ஜெயிலர்ரஜினியின் நடிப்பில் நெல்சன் இயக்கத்தில் உருவாகும் ஜெயிலர் திரைப்படம் ஆகஸ்ட் மாதம் 10 ஆம் தேதி திரையில் வெளியாகின்றது. சன் பிக்சர்ஸ் தயாரிப்பில் அனிருத்தின் இசையில் உருவான இப்படத்தில் மிகப்பெரிய நட்சத்திர பட்டாளமே நடித்துள்ளனர். மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகின் முன்னணி நட்சத்திரங்கள் இப்படத்தில் நடித்துள்ளதால் ஜெயிலர் ஒரு பான் இந்திய படமாக உருவெடுத்துள்ளது. இதைத்தொடர்ந்து இப்படத்தின் வெளியீட்டிற்கு இன்னும் சில தினங்களே இருப்பதால் படத்தின் ப்ரோமோஷன் வேலைகளை படக்குழு துவங்கியுள்ளது
இசை வெளியீட்டு விழாஜெயிலர் திரைப்படம் ஆகஸ்ட் 10 ஆம் தேதி வெளியாக இருக்கும் நிலையில் இப்படத்தின் இசை வெளியீட்டு விழா சென்னையில் வரும் ஜூலை 28 ஆம் தேதி மிகப்பிரமாண்டமாக நடைபெற இருக்கின்றது. ஏற்கனவே ஜெயிலர் படத்தில் இருந்து காவாலா மற்றும் ஹுக்கும் ஆகிய பாடல்கள் வெளியாகி மாஸ் ஹிட்டடித்துள்ள நிலையில் தற்போது இசை வெளியீட்டு விழா ஜூலை 28 ஆம் தேதி நடைபெற இருக்கின்றது. இதில் படத்தில் நடித்த நட்சத்திரங்களுடன் மேலும் சில சிறப்பு விருந்தினர்கள் கலந்துகொள்ள இருக்கின்றார்கள். அவர்கள் யார் என்பதை பற்றி படக்குழு விரைவில் வெளியிடும் என்று எதிர்பார்க்கப்படுகின்றது. இதையடுத்து படத்தின் இசை வெளியீட்டு விழாவிலே ஜெயிலர் படத்தின் டீசரை வெளியிடவும் அதிக வாய்ப்புகள் இருப்பதாக பேசப்பட்டு வருகின்றது.
கேப்டன் மில்லர்தனுஷ் நடிப்பில் அருண் மாதீஸ்வரன் இயக்கத்தில் அதிரடி ஆக்ஷன் படமாக உருவாகி வரும் திரைப்படம் தான் கேப்டன் மில்லர். தற்போது இப்படத்தின் படப்பிடிப்பு அனைத்தும் முடிவடைந்து போஸ்ட் ப்ரொடக்ஷன் வேலைகள் தீவிரமாக போய்க்கொண்டிருக்கிறது. பீரியட் படமாக உருவாகியுள்ள இப்படத்தில் ஷிவ்ராஜ்குமார் முக்கியமான ரோலில் நடித்துள்ளார். மிகப்பெரிய எதிர்பார்ப்பில் உருவாகிவரும் இப்படம் தீபாவளி அல்லது கிறிஸ்துமஸ் பண்டிகையை முன்னிட்டு திரையில் வெளியாகும் என எதிர்பார்க்கப்படுகின்றது.
ரஜினி – தனுஷ் மோதல்இந்நிலையில் தனுஷின் கேப்டன் மில்லர் திரைப்படத்தின் டீசர் வருகின்ற ஜூலை 28 ஆம் தேதி வெளியிட இருப்பதாக படக்குழு அறிவித்துள்ளது. அதே தேதியில் ரஜினியின் ஜெயிலர் படத்தின் இசை வெளியீட்டு விழாவும் சென்னையில் மிகப்பிரமாண்டமான முறையில் நடைபெற இருக்கின்றது. எனவே இதைவைத்து சிலர் ரஜினியுடன் வேண்டுமென்றே தனுஷ் மோதுவதாக பேசி வருகின்றனர்.ரஜினியின் ஜெயிலர் இசை வெளியீட்டு விழாவின் பரபரப்பை குறைக்கவே தனுஷ் கேப்டன் மில்லர் டீசரை வெளியிடுவதாக சிலர் கூறி வருகின்றனர். ஆனால் ஜூலை 28 ஆம் தேதி தனுஷின் பிறந்தநாள் என்பதால் தான் கேப்டன் மில்லர் டீசரை அன்றைய தினம் படக்குழு வெளியிடுகின்றதே தவிர வேறெந்த காரணமும் இல்லை என்பது குறிப்பிடத்தக்கது