சூப்பர்ஸ்டார் ரஜினியின் ஜெயிலர் திரைப்படத்தை தான் தற்போது அனைவரும் ஆவலாக எதிர்பார்த்து காத்துக்கொண்டிருக்கின்றனர். கடந்தாண்டு உலகநாயகன் கமல்ஹாசன் எப்படி விக்ரம் படத்தின் மூலம் கம்பாக் கொடுத்தாரோ, அதே போல தற்போது ரஜினியும் ஜெயிலர் படத்தின் மூலம் கம்பாக் கொடுக்கவேண்டும் என்று ரஜினி ரசிகர்கள் உட்பட ஒட்டுமொத்த சினிமா ரசிகர்களும் ஆவலாக எதிர்பார்த்து இருக்கின்றனர்.
ஏனென்றால் கடந்த சில வருடங்களாக ரஜினி நடிப்பில் வெளியான படங்கள் மெகாஹிட் வெற்றியை பெறவில்லை. எனவே தான் ஜெயிலர் படத்தின் மூலம் வெற்றி பாதைக்கு திரும்பி பழைய ரஜினியாக வசூல் வேட்டை நடத்தவேண்டும் என்பது தமிழ் சினிமா ரசிகர்களின் விருப்பமாக உள்ளது. அதற்கு ஏற்றாற்போல ஜெயிலர் படத்தை பற்றி பாசிட்டிவான விமர்சனங்களே வந்த வண்ணம் இருக்கின்றன.
ரஜினியின் ஜெயிலர்
படத்தை பார்த்த ரஜினிக்கு முழு திருப்தி ஏற்பட்டு இருப்பதாகவும், இப்படம் கண்டிப்பாக மிகப்பெரிய வெற்றியை பெரும் என்றும் ரஜினி எதிர்பார்ப்பதாக கூறப்படுகின்றது. மேலும் இப்படத்தில் பணியாற்றுபவர்கள் அனைவரும் படத்தை புகழ்ந்து பேசி வருகின்றார். இதுபோக ஜெயிலர் படத்திலிருந்து இதுவரை மூன்று பாடல்கள் வெளியாகியுள்ளது.
Jawan: ஜவான் படத்தில் நடிக்க நயன்தாராவிற்கு கண்டிஷன் போட்ட விக்னேஷ் சிவன்..ஓகே சொன்ன நயன்..!
காவாலா, ஹுக்கும் மற்றும் ஜுஜுபி என மூன்று பாடல்கள் வெளியாகியுள்ள நிலையில் மூன்று பாடல்களும் மிகப்பெரிய வரவேற்பை பெற்றுள்ளது. இதன் காரணமாக படத்தின் மீதான எதிர்பார்ப்பும் பலமடங்கு உயர்ந்துள்ளது.
இந்நிலையில் ஆகஸ்ட் மாதம் 10 ஆம் தேதி வெளியாகும் இப்படம் சமீபத்தில் சென்சார் செய்யப்பட்டது. படத்தை பார்த்த சென்சார் குழுவினர் படத்திற்கு U /A சான்றீதழ் வழங்கியுள்ளனர். மேலும் ஜெயிலர் திரைப்படம் 2 மணி நேரம் 49 நிமிடங்கள் ரன் டைம் என்ற தகவலும் கிடைத்துள்ளது.
சென்சார் குழு விமர்சனம்
இதைத்தொடர்ந்து படத்தை பார்த்த சென்சார் குழுவினர் படம் சிறப்பாக இருப்பதாக பாராட்டியுள்ளனர். மேலும் இப்படம் ரஜினியின் படமாக இல்லாமல் சற்று வித்யாசமாக இருப்பதாகவும், காமெடி, திரில்லர் என நெல்சனின் ஸ்டைலில் ரஜினியை பார்க்க புதிதாக இருப்பதாகவும் அவர்கள் கூறியுள்ளனர்.
மேலும் ஜெயிலர் படத்தை கண்டிப்பாக ரசிகர்களும் ரசிப்பார்கள் என கூறிய அவர்கள் படம் கண்டிப்பாக வெற்றி பெரும் எனவும் படக்குழுவை பாராட்டியுள்ளனர். இந்த தகவல் வெளியான நிலையில் ரஜினி ரசிகர்கள் தற்போதே தங்களின் கொண்டாட்டத்தை துவங்கிவிட்டனர் என்பது குறிப்பிடத்தக்கது.