கடந்த 2017 ஆஅம் ஆண்டு வெளியாகி சூப்பர் ஹிட்டடித்த படம் ‘மரகத நாணயம்’. ஆதி, நிக்கி கல்ராணி நடிப்பில் சரவணன் இயக்கத்தில் வெளியான இந்தப்படம் ரசிகர்கள் மத்தியில் அமோக வரவேற்பினை பெற்றது. பேண்டஸி ஜானரில் உருவான இந்தப்படத்தை டில்லி பாபு தயாரித்திருந்தார். இந்நிலையில் ‘மரகத நாணயம்’ படத்தின் இரண்டாம் பாகம் குறித்த சூப்பரான அப்டேட் தற்போது வெளியாகியுள்ளது.
‘மரகத நாணயம்’ படத்தில் ஆதி, நிக்கியுடன் ஆனந்த் பாபு, முனிஸ்காந்த், டேனியல், அருண்ராஜா காமராஜ், கோட்டா சீனிவாசராவ் உள்ளிட்ட பலரும் நடித்திருந்தனர். பேண்டஸி காமெடி கதையம்சத்துடன் வெளியானது இந்தப்படம். வித்தியாசமான திரைக்கதையால் விமர்சனம் மற்றும் வசூல் ரீதியாக பெரும் வரவேற்பை பெற்றது ‘மரகத நாணயம்’ படம்.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்நிலையில் இந்தப்படத்தின் இயக்குனரின் இரண்டாவது படைப்பாக ‘வீரன்’ என்ற படம் வெளியானது. ஏ.ஆர்.கே. சரவணன் இயக்கத்தில் ஹிப்ஹாப் தமிழா நடிப்பில் வெளியானது இந்தப்படத்தில் வினய் வில்லனாக நடித்திருந்தார். இந்தப்படமும் பேண்டஸி ஜானரில் சூப்பர் ஹீரோ கதையம்சம் கொண்ட படமாக வெளியானது. இந்தப்படம் விமர்சனரீதியாக சரிவை சந்தித்தது. ‘மரகத நாணயம்’ படம் அளவிற்கு இல்லை என்றும் விமர்சிக்கப்பட்டது.
R. Vittal: ரஜினி, கமல் படங்களில் பணியாற்றிய பிரபலம் மறைவு: திரையுலகினர் இரங்கல்.!
இந்நிலையில் ‘வீரன்’ படத்தினை தொடர்ந்து தற்போது ‘மரகத நாணயம்’ படத்தின் இரண்டாம் பாகத்தை இயக்கும் முயற்சிகளில் இறங்கியுள்ளார் இயக்குனர் சரவணன். இது தொடர்பான அறிவிப்பை ஏ.ஆர்.கே. சரவணனே தனது ட்விட்டர் பக்கத்தில் வெளியிட்டுள்ளார். மேலும் ‘மரகத நாணயம் 2’ படம் குறித்த கூடுதல் தகவல்கள் விரைவில் வெளியாகும் எனவும் கூறப்படுகிறது.
‘மரகத நாணயம்’ முதல் பாகத்தை தயாரித்த அக்சஸ் பிலிம் பேக்டரி நிறுவனமே தற்போது இரண்டாம் பாகத்தையும் தயாரிக்கவுள்ளது. மேலும், ‘மரகத நாணயம்’ படத்தில் நடித்த ஆதி, நிக்கி கல்ராணி இருவரும் காதலித்து திருமணம் செய்து கொண்டனர். இந்நிலையில் ஆறு ஆண்டுகள் கழித்து இந்தப்படத்தின் இரண்டாம் பாகம் தற்போது உருவாக இருப்பதால் ஆதி, நிக்கி கல்ராணி இருவரும் மீண்டும் இணைந்து நடிப்பார்களா என்ற எதிர்பார்ப்பு ரசிகர்கள் மத்தியில் எழுந்துள்ளது.
Gayathrie: காரிலே டிரெஸ் மாற்ற சொல்வாங்க: நடிகை காயத்ரி பகிர்ந்த ஷாக்கிங் தகவல்.!