‘ஜெயிலர்’ படத்தின் வெற்றியை தொடர்ந்து தனது அடுத்த படம் குறித்து இயக்குனர் நெல்சன் திலீப்குமார் பகிர்ந்துள்ள தகவல் ரசிகர்கள் மத்தியில் அதிர்ச்சியை ஏற்படுத்தியுள்ளது.
நெல்சன் திலீப்குமார்’ஜெயிலர்’ படம் யாருக்காக ஓடுகிறதோ இல்லையோ நெல்சனுக்காக கண்டிப்பாக ஹிட்டடிக்க வேண்டும் என ரசிகர்கள் பெரிதும் எதிர்பார்த்தனர். ஏனென்றால் ‘பீஸ்ட்’ படத்தால் நெல்சனுக்கு குவிந்த ட்ரோல்கள் எல்லாம் கொஞ்சம் நஞ்சமல்ல. இத்தனைக்கு வசூலில் நல்ல வரவேற்பை பெற்ற ஒரு படத்திற்காக ரொம்பவே விமர்சிக்கப்பட்டார் நெல்சன் திலீப்குமார்.
அதிகரித்த எதிர்பார்ப்பு’பீஸ்ட்’ ரிலீசுக்கு முன்பாகவே ‘ஜெயிலர்’ படத்தை இயக்க கமிட் ஆகிவிட்டார் நெல்சன். முந்தைய படத்திற்கு குவிந்த நெகட்டிவ் விமர்சனத்தால் ரஜினியை இயக்கும் வாய்ப்பு, அவர் கை நழுவி போகலாம் என்றெல்லாம் பல செய்திகள் பரவியது. ஆனால் அந்த வதந்திகளை எல்லாம் ஓரம் தள்ளிவிட்டு ‘ஜெயிலர்’ படத்தினை இயக்க ஆரம்பித்தார் நெல்சன். படம் துவங்கிய போது இருந்த எதிர்பார்ப்பினை விட, ரிலீஸ் தேதி நெருங்கிய நிலையில் படம் மீதான ரசிகர்களின் எதிர்பார்ப்பு அதிகரித்து கொண்டே சென்றது.
ரசிகர்கள் கொண்டாட்டம்இந்நிலையில் கடந்த வாரம் வெளியான ‘ஜெயிலர்’ படத்திற்கு முதல் ஷோவில் இருந்து பாசிட்டிவ் விமர்சனங்கள் குவிந்தது. விண்டேஜ் தலைவர் இஸ் பேக். நெல்சன் கம்பேக் கொடுத்துட்டார். அனிருத் இசை வெறித்தனம். விநாயகன் மிரட்டல். சிவராஜ்குமார் மாஸ். மோகன்லால் ஸ்மார்ட் என ‘ஜெயிலர்’ படத்தை இன்ச் பை இன்ச் ஆக ரசிகர்கள் கொண்டாடி வருகின்றனர்.
வேறலெவல் வரவேற்பு’ஜெயிலர்’ படத்திற்கு கிடைத்துள்ள வரவேற்பை இவ்வளவு தான் என்ற அளவில் எல்லாம் சொல்லிவிட முடியாது. ஒரே வாரத்தில் ரூபாய் 500 கோடியை குவிக்கும் அளவிற்கு டாப் டக்கர் வரவேற்பை பெற்றுள்ளது. இதனிடையில் ‘ஜெயிலர்’ படத்தால் கம்பேக் கொடுத்துள்ள நெல்சனின் அடுத்த படம் என்னவாக இருக்கும் என்பதை அறிய ரசிகர்கள் ஆர்வமுடன் உள்ளனர். சிம்பு அல்லது தனுஷை வைத்து அவர் படம் இயக்கலாம் என்ற பேச்சுக்களும் கிளம்பியுள்ளது.
ரசிகர்கள் ஷாக்இந்நிலையில் ‘ஜெயிலர்’ வெற்றிக்கு பிறகு நேர்காணல் ஒன்றில் பேசிய நெல்சன் திலீப்குமாரிடம் அடுத்த படம் குறித்து கேட்கப்பட்டது. அதற்கு பதிலளித்த அவர் கோலமாவு கோகிலா, டாக்டர், பீஸ்ட், ஜெயிலர்ன்னு அடுத்தடுத்து படம் இயக்கிட்டேன். கொஞ்சம் கேப் தேவைப்படுது. ரெஸ்ட்க்கு அப்பறம் தான் எதுவா இருந்தாலும் என சொல்லிவிட்டார். ஜெயிலரை தொடர்ந்து தனுஷை வைத்து அடுத்ததாக படம் இயக்குவார் என எதிர்பார்க்கப்பட்ட நிலையில், நெல்சன் இவ்வாறு தெரிவித்துள்ளது ரசிகர்கள் மத்தியில் அதிர்ச்சியை ஏற்படுத்தியுள்ளது.