அஜித்தின் நடிப்பில் மகிழ் திருமேனியின் இயக்கத்தில் விடாமுயற்சி என்ற திரைப்படம் துவங்க இருப்பதாக மே 1 ஆம் தேதி அஜித்தின் பிறந்தநாளை முன்னிட்டு அறிவிக்கப்பட்டது. அதன் பிறகு படத்தை பற்றி எந்த ஒரு அறிவிப்புகளும் இல்லை. மேலும் கடந்த சில தினங்களாக இப்படம் கைவிடப்பட இருப்பதாகவும், படம் கைமாற இருப்பதாகவும் வதந்திகள் பரவின. இதையடுத்து தற்போது இப்படத்தின் தயாரிப்பாளரான சுபாஷ்கரன் விடாமுயற்சி திரைப்படம் விரைவில் துவங்கும் என உறுதியளித்துள்ளார். சந்திரமுகி 2 இசை வெளியீட்டு விழாவில் பங்கேற்ற சுபாஷ்கரன் இதனை தெரிவித்துள்ளார். மேலும் இப்படம் எங்களுக்கு மிக முக்கியமான படம் என்றும், விடாமுயற்சி ரசிகர்களுக்கு விருந்தாக இருக்கும் என்றும் கூறியுள்ளார் சுபாஷ்கரன்.
