மும்பை விமான நிலையத்தில் இன்று மாலை விசாகப்பட்டினத்திலிருந்து எட்டு பேருடன் தனியார் விமானம் ஒன்று, மும்பை விமான நிலையத்துக்கு வந்தது. விமானம் மும்பை விமான நிலையத்தில் தரையிறங்கியபோது கடுமையான மழை பெய்துகொண்டிருந்தது. இதனால் விமானம் ஓடுதளத்திலிருந்து விலகி விபத்துக்குள்ளானது. இதில் விமானம் இரண்டாக உடைந்து தீப்பிடித்துக்கொண்டது. விமானத்தில் இரண்டு பணியாளர்கள் மற்றும் ஆறு பயணிகள் இருந்தனர். அவர்களில் மூன்று பேருக்கு காயம் ஏற்பட்டது. விபத்து ஏற்பட்டவுடன் தீயணைப்பு வாகனம் விரைந்து வந்து தீயை அணைக்கும் பணியில் ஈடுபட்டது. காயமடைந்தவர்கள் மருத்துவமனையில் சேர்க்கப்பட்டிருக்கின்றனர். அதோடு விமான நிலையம் தற்காலிகமாக மூடப்பட்டது.
சாந்தாகுரூஸ் விமான நிலையத்தின் 5-வது கேட்டில் இந்த விபத்து ஏற்பட்டதாக விமான நிலைய அதிகாரிகள் தெரிவித்திருக்கின்றனர். இந்தச் சம்பவத்தால் மும்பை விமான நிலையத்துக்கு வந்த அனைத்து விமானங்களும் வேறு விமான நிலையத்துக்குத் திருப்பிவிடப்பட்டன. விபத்துக்குள்ளான விமானத்தில் முக்கியப் பிரமுகர்கள் யாரும் இல்லை என்று போலீஸார் தெரிவித்திருக்கின்றனர். விமான நிலையத்தில் ஏற்பட்ட இந்தச் சம்பவத்தால் பெரும் பரபரப்பு ஏற்பட்டது.
இந்தச் சம்பவத்தால் விமான நிலையத்தில் வெளியூர்களுக்குச் செல்வதற்காகக் காத்திருந்தவர்கள் மிகுந்த சிரமத்துக்கு ஆளானார்கள். பழுதடைந்த விமானம் சம்பவ இடத்திலிருந்து அப்புறப்படுத்தப்பட்ட பிறகு, விமான நிலையம் மீண்டும் செயல்படத் தொடங்கியது. விமானப் போக்குவரத்துத்துறை அமைச்சகம் இது தொடர்பாக வெளியிட்ட அறிக்கையில், “மும்பை விமான நிலையத்தில் மாலை 5 மணிக்கு விபத்து ஏற்பட்டபோது, மழை காரணமாக 700 மீட்டர் தூரத்துக்கு மட்டுமே வெளிச்சம் இருந்தது” என்று குறிப்பிடப்பட்டிருக்கிறது.
Junior Vikatan-ன் பிரத்யேக Whatsapp Group…
இணைவதற்கு இங்கே க்ளிக் செய்யவும்… https://bit.ly/3PaAEiY
வணக்கம்,
BIG BREAKINGS முதல்… அரசியல், சமூகம், க்ரைம், சினிமா என அனைத்து ஏரியாக்களின் அசராத அப்டேட்ஸ், ஆழமான கட்டுரைகள்.
ஜூனியர் விகடன் இதழ் மற்றும் டிஜிட்டலில் கவனம் ஈர்க்கும் கட்டுரைகள் இங்கே உடனுக்குடன்… https://bit.ly/3PaAEiY