ஜிகிர்தண்டா டபுள் எக்ஸ் படக்குழுவினர் உடன் பிறந்தநாளை கொண்டாடிய லாரன்ஸ்
நடன இயக்குனர் மற்றும் நடிகர் ராகவா லாரன்ஸ் தமிழ் சினிமாவில் நடன கலைஞர் ஆக அறிமுகமாகி அதன் பிறகு பல முன்னணி நடிகர்களின் படங்களுக்கு நடன இயக்குனராக பணியாற்றினார். கடந்த சில வருடங்களாக நடிகர், இயக்குனராக தமிழ் சினிமாவில் வலம் வருகிறார்.
தற்போது இயக்குனர் கார்த்திக் சுப்பராஜ் இயக்கத்தில் 'ஜிகர்தண்டா டபுள் எக்ஸ்' படத்தில் நடித்து முடித்துள்ளார் .இப்படம் வருகின்ற நவம்பர் 10ந் தேதி தீபாவளியை முன்னிட்டு வெளியாகிறது. இதில் அவருடன் இணைந்து எஸ்.ஜே. சூர்யா நடித்துள்ளார்.
இந்த நிலையில் துபாயில் இப்படத்தின் ப்ரீ ரிலீஸ் ஈவன்ட் நிகழ்ச்சி நடைபெறுகிறது. இதில் கலந்து கொள்ள லாரன்ஸ், எஸ்.ஜே. சூர்யா, கார்த்திக் சுப்பராஜ் துபாய் சென்றுள்ளனர். நேற்று லாரன்ஸ் பிறந்தநாளை கேக் வெட்டி அங்கு ஜிகர்தண்டா டபுள் எக்ஸ் படக்குழுவினர் உடன் கொண்டாடினர். இந்த வீடியோ சமூக வலைதளங்களில் வைரலானது.