மம்முட்டி, மோகன்லாலுடன் இணைந்து ‛கேரளியம்' நாளை கொண்டாடிய கமல்
கேரளாவில் வருடந்தோறும் ‛கேரளியம்' நாள் விமர்சையாக கொண்டாடப்பட்டு வருகிறது. கேரளா பிறந்த தினமான நவ-1ம் தேதியைத் தான் இந்த பெயரில் கொண்டாடி வருகிறார்கள். அந்த வகையில் கேரளாவின் 67வது கேரளியம் நாள் நேற்று திருவனந்தபுரத்தில் கொண்டாடப்பட்டது. இதற்கான ஏற்பாடுகளை மாநில அரசே செய்திருந்தது.
இந்த நிகழ்வில் மலையாள முன்னணி நடிகர்களான மோகன்லால் மற்றும் மம்முட்டியுடன் சிறப்பு விருந்தினராக தமிழகத்தில் இருந்து சென்று நடிகர் கமல்ஹாசனும் கலந்து கொண்டார். இந்த நிகழ்வில் கேரள மாநில முதல்வர் பினராயி விஜயனும் பங்கேற்றார். தென்னிந்திய முன்னணி நட்சத்திரங்கள் ஒரே நிகழ்வில் இணைந்து பங்கேற்றது ரசிகர்களை இன்னும் உற்சாகப்படுத்தி உள்ளது.