மலைக்கோட்டை வாலிபன் மூலம் வெளிச்சம் பெற்ற கதா நந்தி
கடந்த சில நாட்களுக்கு முன்பு மலையாளத்தில் மோகன்லால் நடிப்பில் மலைக்கோட்டை வாலிபன் என்கிற படம் வெளியானது. வரலாற்றுப் பின்னணியில் உருவாகி இருந்த இந்த படத்தை இயக்குனர் லிஜோ ஜோஸ் பெல்லிசேரி இயக்கியுள்ளார். வழக்கமாக இவரது படங்களில் அறிமுகமாகும் புது முகங்கள் பலரும் மிகப்பெரிய அளவில் வெளிச்சம் பெற்று அடுத்தடுத்து கதாநாயகன், கதாநாயகிகளாக வலம் வருகின்றனர். அந்த வகையில் மலைக்கோட்டை வாலிபன் படத்தில் இவரால் அறிமுகப்படுத்தப்பட்டவர் தான் அறிமுக நடிகை கதா நந்தி.
இந்த படத்தில் கதாநாயகியாக பெங்காலி மொழியை சேர்ந்த சோனாலி குல்கர்னி என்பவர் நடித்திருந்தாலும் படத்தில் அதிக காட்சிகளில் நடித்தவரும் கதையின் திருப்புமுனைக்கு காரணமாக அமைந்தவருமான கதா நந்தி தான் ரசிகர்களிடம் மிகப்பெரிய வரவேற்பு பெற்றுள்ளார். இப்போதே பல இயக்குனர்கள் தங்களது படங்களில் இவரை நடிக்க வைக்க அணுகி வருவதாக ஒரு தகவல் வெளியாகி உள்ளது.