மீண்டும் இணையும் ரஞ்சித் – தினேஷ் கூட்டணி
விக்ரம் நடிப்பில் இயக்கியுள்ள தங்கலான் படத்தின் இறுதிகட்டப் பணிகள் நடைபெற்று வரும் நிலையில் இந்த பட வேலைகளை முடித்ததும், 45 நாட்களில் ஒரு படத்தை எடுத்து முடிக்க திட்டமிட்டுள்ளார் பா.ரஞ்சித். இதில் அவர் இயக்கிய முதல் படமான அட்டகத்தியில் நடித்த தினேஷ் மீண்டும் ஹீரோவாக நடிக்கிறார். இந்த படமும் காதல் கதையில் உருவாக இருப்பதாக செய்திகள் வெளியாகி வருவதால், ஒருவேளை இப்படம் அட்டக்கத்தி 2வாக இருக்குமோ என்கிற எதிர்பார்ப்பு எழுந்துள்ளது. மேலும் அட்டக்கத்திக்கு பிறகு ரஜினி நடிப்பில் பா. ரஞ்சித் இயக்கிய கபாலி படத்தில் ஒரு கேரக்டரில் தினேஷ் நடித்திருந்தார் என்பது குறிப்பிடத்தக்கது.