வைபவ், அதுல்யா ரவி நடிக்கும் ‛சென்னை சிட்டி கேங்ஸ்டர்ஸ்' படப்பிடிப்பு நிறைவு!
அறிமுக இயக்குனர்கள் விக்ரம் ராஜேஸ்வர், அருண் கேசவ் இருவரும் இணைந்து இயக்கி வரும் புதிய படம் 'சென்னை சிட்டி கேங்ஸ்டர்ஸ்' . நடிகர் வைபவ், நடிகை அதுல்யா ரவி முதன்மை கதாபாத்திரத்தில் நடித்து வருகின்றனர். ஆனந்த் ராஜ், ரெடின் கிங்ஸ்லி, மணி, ஜான் விஜய், மொட்டை ராஜேந்திரன் உள்ளிட்டோர் முக்கிய கதாபாத்திரத்தில் நடிக்கின்றனர்.
டி. இமான் இசையமைக்கும் இப்படத்தை பீ.டி.ஜி யூனிவர்சல் நிறுவனம் தயாரிக்கின்றது. கடந்த சில மாதங்களாக இதன் படப்பிடிப்பு சென்னை புறநகரில் விறுவிறுப்பாக நடைபெற்று வந்தது. இந்த நிலையில் இன்று இதன் முழு படப்பிடிப்பும் முடிவடைந்தது கேக் வெட்டி படக்குழு கொண்டாடி இதனை சமூக வலைதளங்களில் பகிர்ந்துள்ளனர்.