லாட்டரி டிக்கெட்டில் ரூ.11 லட்சம் வெற்றி பெற்ற இந்திய வெளிநாட்டவருக்கு ஏற்பாட்டாளர்கள் பலமுறை தொலைப்பேசியில் தொடர்பு கொண்டனர்.
ஆனால் அவர் அதற்கு எந்தப் பதிலும் அளிக்கவில்லை. இறுதியில் வெற்றி பணம் அவருக்குக் கிடைத்ததா? இல்லையா? என்பது குறித்து தெரிந்துகொள்ளலாம்.
கல்ஃப் நியூஸ் செய்தி வெளியிட்டுள்ளபடி , அபுதாபியின் வாராந்திர பிக் டிக்கெட் டிராவில் சஞ்சீவ் என்ற இந்திய வெளிநாட்டவர் தோராயமாக ரூ. 11 லட்சம் வென்றுள்ளார். அவரது வெற்றி டிக்கெட் எண் 275-236701 ஆகும்.
இந்த நிகழ்ச்சியின் தொகுப்பாளர்கள் ரிச்சர்ட் மற்றும் பௌஷ்ரா இந்த வெற்றி குறித்து சஞ்சீவுக்குத் தெரியப்படுத்தப் பலமுறை தொலைப்பேசியில் தொடர்பு கொண்டுள்ளனர்.
மூன்று நாட்களில் ஒரு நாளைக்குப் பல முறை அவரைத் தொடர்பு கொண்டுள்ளனர். ஆனால் ஏற்பாட்டாளர்களுக்கு எந்தப் பதிலும் கிடைக்கவில்லை.
இறுதியில் ஏற்பட்டவர்கள் சஞ்சீவை மின்னஞ்சல் மூலம் தொடர்பு கொண்டுள்ளனர்.
அப்போதுதான் சஞ்சீவிக்கு இந்த வெற்றி பற்றித் தெரியவந்துள்ளது. டிக்கெட் வாங்கும் போது அவர் அதில் தவறான எண்ணைக் கொடுத்துள்ளதால் அவருக்கு எந்த அழைப்புகளும் சென்று சேரவில்லை என்பதும் தெரியவந்துள்ளது.
இந்த பிக் டிக்கெட் டிரா மூலம் கிடைத்த தொகையை சஞ்சீவ் பெற்றிருந்தாலும், ஏற்பாட்டாளர்கள் தொடர்பு கொள்வதை நிறுத்தி இருந்தால், இவ்வளவு பெரிய தொகை அவருக்குக் கிடைத்திருக்க வாய்ப்பில்லை. நீங்கள் இதுபோன்ற லக்கி டிராவில் பங்கேற்கும் போது சரியான எண் கொடுப்பீர்களா? என்பதை கமெண்டில் சொல்லுங்கள்!