உங்களின் ஆதார் எண்ணை டிஜிட்டல் வாலெட்டுகளில் இருந்து நீக்குவது எப்படி?

How to Remove Aadhaar from Digital Wallets ; ஆதார் பல சேவைகளுக்கு அவசியமானது என்பதை நீங்கள் அறிந்திருப்பீர்கள். ஆனால் தேவையில்லாத இடங்களில் பயன்படுத்தாமல், குறிப்பாக ஆன்லைன் தளங்களில், டிஜிட்டல் வாலெட்டுகளில் பயன்படுத்தாமல் பாதுகாப்பாக வைத்திருப்பது முக்கியம். ஒருவேளை நீங்கள் ஏற்கனவே உங்கள் ஆதார் எண்ணை தேவையற்ற செயலிகளில் இணைத்து இருந்தால், அதனை பாதுகாப்பாக நீக்குவது எப்படி என்பதை இங்கே தெரிந்து கொள்ளுங்கள்.

1. உங்கள் ஆதார் அங்கீகார ஹிஸ்டிரி

– UIDAI வலைத்தளத்தில் (uidai.gov.in) லாகின் செய்து “Aadhaar Authentication History”-ஐத் தேர்ந்தெடுக்கவும்.
– உங்கள் ஆதார் எங்கெல்லாம் eKYC-க்கு பயன்படுத்தப்பட்டுள்ளது என்பதைப் பார்க்கலாம்.
– தெரியாத/சந்தேகத்திற்குரிய சேவைகளைக் கண்டால், அவற்றை முதலில் நீக்கவும்.

2. உங்கள் மொபைல் ஆபரேட்டரிடம் ஆதாரை நீக்கச் சொல்லுங்கள்

டெல்காம் நிறுவனங்களுக்கு இப்போது ஆதார் தேவையில்லை. உங்கள் அருகிலுள்ள டெலிகாம் ஷாப்பிற்குச் சென்று, PAN அல்லது வோட்டர் அட்டையைக் அடையாள ஆவணமாக கொடுத்துவிட்டு மொபைல் எண்ணுடன் இணைக்கப்பட்டிருக்கும் ஆதார் இணைப்பை நீக்கக் கோரவும். TRAI வழிகாட்டுதலில் இந்த விதிமுறை இருப்பதால், அவர்கள் இதனை கட்டாயம் செய்ய வேண்டும்.

3. டிஜிட்டல் வாலெட் & பின்டெக் ஆப்ஸில் இருந்து ஆதாரை நீக்கவும்

PayTM, PhonePe, Google Pay போன்றவற்றில்: Profile → KYC/Personal Details-ல் சென்று ஆதார் எண்ணை மாற்று/நீக்கு ஆப்சனை தேர்வு செய்து நீக்கவும். முடியவில்லை என்றால், கஸ்டமர் கேர்-க்கு மின்னஞ்சல் அனுப்பி உரிய கோரிக்கை வைக்கவும்.

4. மாற்று அடையாள ஆவணம்

ஆதாரை நீக்கிய பிறகு, டிரைவிங் லைசென்ஸ், பாஸ்போர்ட், வோட்டர் அட்டை போன்றவற்றைப் பயன்படுத்தி மீண்டும் KYC செய்யவும். சில ஆப்ஸ் வீடியோ/செல்ப் வெரிபிகேஷன் கோரலாம் அதை முடித்துவிட்டால் கூட ஆதார் இல்லாமல் அந்த சேவைகளை தொடர முடியும்.

5. மாஸ்க்டு ஆதார் (Masked Aadhaar) அல்லது VID (Virtual ID) பயன்படுத்தவும்

எங்கு எப்போது ஆதார் பயன்படுத்தினாலும், முழு 12-இலக்க ஆதார் எண்ணைப் பகிர வேண்டாம். மாஸ்க்டு ஆதார் (கடைசி 4 இலக்கங்கள் மட்டும் தெரியும்) அல்லது 16-இலக்க VID (தற்காலிக குறியீடு) பயன்படுத்தலாம். இவை UIDAI-ஆல் அங்கீகரிக்கப்பட்டவை, முழு எண்ணை விட பாதுகாப்பானது.

ஏன் இதைச் செய்ய வேண்டும்?

ஒவ்வொரு செயலியும் உங்கள் ஆதாரை சேமித்தால், அது ஹேக்கர்களுக்கு இலக்காகலாம். அதனால், ஒரு செயலி ஹேக் ஆனாலும் உங்கள் முக்கிய தரவு பாதுகாக்கப்படும்.

6. எல்லா இடங்களிலும் ஆதாரை நீக்க முடியுமா?

இல்லை—வருமான வரி, PAN, அரசு நலத் திட்டங்களுக்கு ஆதார் கட்டாயம். தனியார் ஆப்ஸ், டெல்காம், வாலெட்டுகளில் இருந்து நீக்கலாம்.

7. மாஸ்க்டு ஆதார்/VID சரியாக வேலை செய்யுமா?

ஆம்! இவை UIDAI-ஆல் சான்றளிக்கப்பட்டவை, பாதுகாப்பானவை.

8. ஒரு சேவை ஆதாரை நீக்க மறுத்தால் என்ன செய்வது?

முதலில் கஸ்டமர் கேர்-க்கு புகார் செய்யவும். பதில் இல்லை என்றால், UIDAI/TRAI-க்கு முறையீடு செய்யலாம்.