சீனா ஓபன் டென்னிஸ்: அதிர்ச்சி தோல்வி கண்ட மரியா சக்காரி

பீஜிங்,

சீனா ஓபன் டென்னிஸ் போட்டி அங்குள்ள பீஜிங் நகரில் நடைபெற்று வருகிறது. இந்த தொடரில் மகளிர் ஒற்றையர் பிரிவில் இன்று நடைபெற்ற 2வது சுற்று ஆட்டம் ஒன்றில் முன்னணி வீராங்கனையான மரியா சக்காரி (கிரீஸ்) – கனடாவின் லெய்லா அன்னி பெர்னாண்டஸ் உடன் மோதினார்.

இந்த மோதலில் எளிதில் வெற்றி பெற்று அடுத்த சுற்றுக்கு முன்னேறுவார் என எதிர்பார்க்கப்பட்ட மரியா சக்காரி, யாரும் எதிர்பார்க்கா வண்ணம் 2-6, 0-6 என்ற செட் கணக்கில் லெய்லா அன்னி பெர்னாண்டஸிடம் அதிர்ச்சி தோல்வி கண்டு தொடரில் இருந்து வெளியேறினார்.