சென்னை: இந்திய ஸ்மார்ட்போன் சந்தையில் ரியல்மி 15எக்ஸ் ஸ்மார்ட்போன் அறிமுகமாகி உள்ளது. இந்த போனின் விலை மற்றும் சிறப்பு அம்சங்கள் குறித்து விரிவாக பார்ப்போம்.
உலக அளவில் ஆண்ட்ராய்டு போன் உற்பத்தி, விற்பனையில் சீன தேசத்தை சேர்ந்த ரியல்மி நிறுவனம் ஈடுபட்டு வருகிறது. அவ்வப்போது தங்கள் நிறுவன பயனர்களுக்காக புதிய அப்டேட்களுடன் கூடிய ஸ்மார்ட்போன்களை அறிமுகம் செய்வது வழக்கம். இந்நிறுவனம் இந்தியாவில் பட்ஜெட் மற்றும் பிரீமியம் விலையில் போன்களை விற்பனை செய்து வருகிறது.
ஒப்போவின் துணை நிறுவனமாக சந்தையில் களம் கண்டு, பின்னர் தனியொரு பிராண்டாக ரியல்மி உருவானது. தற்போது ரியல்மி 15 சீரிஸ் வரிசையில் ரியல்மி 15எக்ஸ் போனை அந்நிறுவனம் அறிமுகம் செய்துள்ளது. 5ஜி நெட்வொர்க்கில் இந்த போன் இயங்கும். கடந்த செப்டம்பர் மாதம் ரியல்மி நிறுவனம் இதே 15 சீரீஸ் போன் வரிசையில் 15T போனை அறிமுகம் செய்திருந்தது.
ரியல்மி 15x ஸ்மார்ட்போன்: சிறப்பு அம்சங்கள் என்னென்ன?
- 6.8 இன்ச் ஹெச்டி+ டிஸ்பிளே
- மீடியாடெக் டிரான்சிட்டி 6300 சிப்செட்
- ஆண்ட்ராய்டு 15 இயங்குதளம்
- பின்பக்கத்தில் மூன்று கேமராக்கள் உள்ளது. அதில் 50 மெகாபிக்சல் சோனி ஏஐ கேமரா பிரதானமானதாக உள்ளது
- முன்பக்க கேமராவும் 50 மெகாபிக்சல் கொண்டுள்ளது
- ஏஐ அம்சங்களும் இந்த போனில் உள்ளது
- 6ஜிபி / 8ஜிபி ரேம்
- 128ஜிபி மற்றும் 256ஜிபி ஸ்டோரேஜ்
- 7,000mAh பேட்டரி
- 60 வாட்ஸ் அதிவேக சார்ஜிங் சப்போர்ட்
- மூன்று வண்ணங்களில் இந்த போன் வெளிவந்துள்ளது
- யுஎஸ்பி டைப்-சி போர்ட்
- இந்த போனுடன் 80 வாட்ஸ் சார்ஜரும் வழங்கப்படுகிறது
- 5ஜி நெட்வொர்க்
- இந்த போனின் விலை ரூ.16,999 முதல் தொடங்குகிறது