சண்முகம் முத்துசாமி இயக்கத்தில், நடிகர் ஹரிஷ் கல்யாண், அதுல்யா ரவி நடிப்பில் உருவாகி இருக்கும் படம் ‘டீசல்’.
இந்தத் திரைப்படம் தீபாவளி பண்டிகையை முன்னிட்டு அக்டோபர் 17 ஆம் தேதி வெளியாக இருக்கிறது.
இந்நிலையில் இப்படத்தின் செய்தியாளர் சந்திப்பு நேற்று ( அக்.14) நடைபெற்றிருக்கிறது.
இப்படத்தில் வில்லனாக நடித்திருக்கும் ரிஷி ரித்விக் பேசியபோது, ” எனக்கு இந்தப் படத்துல நடிக்குற வாய்ப்பைக் கொடுத்த சண்முகம் (இயக்குநர்)அண்ணனுக்கு நன்றி.
எனக்கு சினிமாவில பெருசா பேக்ரவுண்ட் இல்ல. ஆனா எனக்கு ஒரு கூட பிறந்த அண்ணனா சப்போர்ட் பண்ணிருக்காரு.
அதுமட்டுமில்லாம இந்தப் படத்துல ஒரு நல்ல கேரக்டர் கொடுத்துருக்காரு. எனக்கு புடிச்ச மீனவ கேரக்டரையே கொடுத்துருக்காரு.
படப்பிடிப்பு தளத்தில நிறைய விஷயங்களைக் கத்துக்கொடுத்து கூடப் பிறந்த தம்பி மாதிரி பார்த்துக்கிட்டாரு.
இந்த சினிமாவில நம்மல தூக்கிவிடுறத்துக்கு யாரும் இல்ல. ரொம்ப கஷ்டப்பட்டிருக்கேன்.
சண்முகம் அண்ணா இந்தப் படத்துல ஜெய்க்கணும். 25 வருஷமா அண்ணன் போராடிகிட்டே இருக்காரு.
அவரோட கஷ்டத்தை என்னைக்குமே வெளிய சொல்லிக்க மாட்டாரு. இந்தப் படத்துல அவர் ஜெயிச்சால் பலரோட குடும்பம் இங்க வாழும்” என்று கண்கலங்கியிருக்கிறார்.