தமிழ்நாட்டில் எவ்வளவு தங்க இருப்பு உள்ளது தெரியுமா..?

501.83 மில்லியன் டன் தங்கம்

நேஷனல் மினரல் இன்வென்டரி தரவுகளின்படி, 1.4.2015 நிலவரப்படி, நாட்டில் உள்ள தங்கத் தாதுவின் (முதன்மை) மொத்த இருப்பு/வளங்கள் 501.83 மில்லியன் டன்களாக மதிப்பிடப்பட்டுள்ளது.

தங்க தாது

இவற்றில் 17.22 மில்லியன் டன்கள் இருப்புப் ரிதர்வ் பிரிவின் கீழும், மீதமுள்ள 484.61 மில்லியன் டன்கள் மீதமுள்ள வளப் (Resource) பிரிவின் கீழும் பிரிக்கப்பட்டு உள்ளது என மத்திய சுரங்க துறை ஜூலை 2021ல் வெளியிட்ட அறிக்கையில் தெரிவித்துள்ளது.

 

மாநிலம்

மேலும் இந்த அறிக்கையில் இந்தியாவில் அதிக தங்கத் தாதுக்கள் இருக்கும் மாநிலங்களையும், அதன் அளவீட்டையும் மத்திய சுரங்க துறை வெளியிட்டுள்ள அறிக்கையில் தெரிவித்துள்ளது. இந்த அறிக்கையின் படி தமிழ்நாட்டில் எவ்வளவு தங்கம் இருக்கு தெரியுமா..?

பீகார் முதல் இடம்

நேஷனல் மினரல் இன்வென்டரி தரவுகளின்படி இந்தியாவில் அதிக தங்க வளங்கள் கொண்ட மாநிலமாக பீகார் விளங்குகிறது. மொத்த தங்க தாது இருப்பில் பீகாரில் மட்டும் சுமார் 44 சதவீதம் உள்ளது. இதன் மூலம் இந்தியாவிலேயே அதிகப்படியான தங்க தாது இருக்கும் மாநிலமாக விளங்குகிறது.

முக்கிய மாநிலங்கள்

பீகார் மாநிலத்தை தொடர்ந்து இந்தியாவிலேயே அதிக தங்க தாது இருக்கும் இடம் ராஜஸ்தான் மொத்த இருப்பில் 25 சதவீதம் இம்மாநிலத்தில் உள்ளது. இதை தொடர்ந்து கர்நாடக-வில் 21 சதவீதம், மேற்கு வங்கத்தில் 3 சதவீதம், ஆந்திரப் பிரதேசத்தில் 3 சதவீதம், ஜார்கண்ட்-ல் 2 சதவீதம் உள்ளது.

தமிழ்நாடு

மீதமுள்ள 2 சதவீத தங்க தாது-வில் சத்தீஸ்கர், மத்தியப் பிரதேசம், கேரளா, மகாராஷ்டிரா மற்றும் தமிழ்நாடு ஆகிய மாநிலங்களில் உள்ளன. தங்கம் உட்பட எந்த ஒரு கனிமத்தையும் பிரித்தெடுக்கும் செலவுகள் பெரிய அளவில் மாறுப்படும்.

இந்திய புவியியல் ஆய்வு மையம்

தங்கம் உள்ளிட்ட பல்வேறு கனிமப் பொருட்களுக்கான கனிம ஆய்வுகளுக்கு பின்பு இந்தியா முழுவதும் கனிம வளமான மண்டலங்களைக் கண்டறியும் பணிகளை இந்திய புவியியல் ஆய்வு மையம் (ஜிஎஸ்ஐ) தீவிரமாக ஈடுபட்டுள்ளது. இதன் அடிப்படையில் தான் தற்போது பீகார் அரசு தங்கம் உற்பத்திக்கான முதல் படியை எடுத்து வைத்துள்ளது.