லட்சாதிபதியாக அஸ்ட்ரால் நிறுவனம் கொடுத்த வாய்ப்பு.. 35609% வருமானம்.. நீங்க வாங்கியிருக்கீங்களா?

டிவிடெண்ட் அறிவிப்பு

இதன் மூலம் ஒரு பங்குக்கு இறுதி டிவிடெண்டாக 175% அல்லது 1.75 ரூபாயாக அறிவித்துள்ளது. இந்த ஈக்விட்டி பங்கின் முகமதிப்பு 1 ரூபாயாகும். இந்த டிவிடெண்ட் பற்றி அடுத்த ஆண்டு வருடாந்திர கூட்டத்தில் அறிவிக்கப்படலாம் என எதிர்பார்க்கப்படுகிறது.

பங்கு விலை ஏற்றம்

ஆஸ்ட்ரால் பங்கு விலையானது கடந்த வெள்ளிக்கிழமையன்று 1989 ரூபாயாக முடிவடைந்துள்ளது. இது 1% மேலாக ஏற்றம் கண்டிருந்தது குறிப்பிடத்தக்கது. இந்த பங்கின் விலையானது ஆகஸ்ட் 5, 2007ல் 5.57 ரூபாயாக இருந்தது. இதே ஆகஸ்ட் 5, 2022ல் 35,609.16% ஏற்றம் கண்டுள்ளது.

 

எவ்வளவு ஏற்றம்?

இப்பங்கின் விலையானது கடந்த ஆக்ஸ்ட் 11, 2017ல் இப்பங்கின் விலையானது 385.14 ரூபாயாக ஏற்றம் கண்டுள்ளது. இப்பங்கின் விலையானது தற்போதைய நிலையில் இருந்து 416.44% ஏற்றம் கண்டுள்ளது. எனினும் கடந்த ஒரு ஆண்டில் இப்பங்கின் விலையானது 7.50% சரிவினைக் கண்டுள்ளது. இதே இந்த ஆண்டின் தொடக்கத்தில் இருந்து, 14.71% ஆக ஏற்றம் கண்டுள்ளது. இதே கடந்த ஆறு மாதத்தில் 5.73% ஏற்றம் கண்டுள்ளது. இதே கடந்த ஒரு மாதத்தி,ல் 16.95% ஏற்றம் கண்டுள்ளது.

இன்றைய பங்கு நிலவரம்?

கடைசியாக இந்த பங்கின் விலையானது என் எஸ் இ-யில் 1.58% ஏற்றம் கண்டு, 1994.20 ரூபாயாக முடிவடைந்துள்ளது. இதன் 52 வார உச்சம் 2524.95 ரூபாயாக ஏற்றம் கண்டும், 52 வார குறைந்தபட்ச விலை 1581.55 ரூபாயாகவும் உள்ளது.

இதே பி எஸ் இ-யில் இந்த பங்கின் விலையானது 1.50% ஏற்றம் கண்டு, 1994.60 ரூபாயாக முடிவடைந்துள்ளது. இதன் 52 வார உச்சம் 2525 ரூபாயாக ஏற்றம் கண்டும், 52 வார குறைந்தபட்ச விலை 1584 ரூபாயாகவும் உள்ளது.