அஜித் தற்போது வினோத் இயக்கத்தில் துணிவு திரைப்படத்தில் நடித்து வருகின்றார். நேர்கொண்டப்பார்வை மற்றும் வலிமை படத்திற்கு பிறகு தற்போது மூன்றாவது முறையாக இக்கூட்டணி மீண்டும் இணைந்துள்ளது.
கடந்த 2019 ஆம் ஆண்டு வெளியான நேர்கொண்டப்பார்வை திரைப்படம் ரசிகர்களின் அமோக வரவேற்பை பெற்றது. இதையடுத்து மிகுந்த எதிர்பார்ப்பில் வெளியான வலிமை திரைப்படம் ரசிகர்களின் எதிர்பார்ப்பை பூர்த்தி செய்ய தவறியது.
Suriya: பாலாவால் சூர்யா இழந்த விஷயங்கள்..இனி இணைவது கஷ்டம் தான் போலயே..!
மூன்று ஆண்டுகள் காத்திருப்பிற்கு பிறகு வெளியான வலிமை ரசிகர்களின் பொறுமையை சோதித்தது. இந்நிலையில் வலிமை திரைப்படத்தில் விட்டதை துணிவு படத்தில் பிடிக்கும் முனைப்பில் அஜித் மற்றும் படக்குழு வேலைசெய்து வருகின்றது
தற்போது இப்படத்தின் படப்பிடிப்பு முடிவடைந்து இறுதிக்கட்ட பணிகள் விறுவிறுப்பாக நடைபெற்று வருகின்றது. மேலும் பொங்கலுக்கு இப்படம் திரையில் வெளியாகவுள்ளது. இந்நிலையில் இன்று துணிவு படத்திலிருந்து சில்லா சில்லா என்ற பாடல் வெளியாகியுள்ளது.
ஜிப்ரானின் இசையில் வெளியான இப்பாடலை அனிருத் பாடியுள்ளார். தற்போது இப்பாடல் வெளியாகி அஜித் ரசிகர்கள் கொண்டாடி வரும் அதே நேரத்தில் இப்பாடல் ஆளுமா டோலுமா பாடலை போல உள்ளது என ரசிகர்கள் விமர்சித்து வருகின்றனர்.
மேலும் இப்பாடலில் அஜித்தின் நடனமும் ஆளுமா டோலுமா பாடலில் வருவதை போல இருப்பதாக சிலர் விமர்சித்து வருகின்றனர் என்பதும் குறிப்பிடத்தக்கது.