பாரதி கண்ணம்மா சீரியலில் தாமரை செல்வி
மேடை நாடக கலைஞரான தாமரை செல்வி விஜய் டிவியின் பிக்பாஸ் நிகழ்ச்சியின் மூலம் சின்னத்திரை ரசிகர்கள் மத்தியில் பிரபலமானவர். பிக்பாஸ் நிகழ்ச்சியின் 5வது சீசனில் கலந்து கொண்ட தாமரை, தனது திறமையான ஆட்டத்தால் டாப் 10-ல் இடம்பிடித்தார். தொடர்ந்து பிக்பாஸ் அல்டிமேட்டிலும் கலந்து கொண்டு 4வது இடத்தை பிடித்து வெளியேறினார். பிக்பாஸ் நிகழ்ச்சிக்கு பிறகு தாமரையின் புகழ் பட்டித்தொட்டியெங்கும் பரவ வெள்ளித்திரை அவருக்கு அதிர்ஷ்ட கதவை திறந்தது. தற்போது தாமரை 'ஆழி' உள்ளிட்ட இன்னும் சில படங்களில் கமிட்டாகி நடித்து வருகிறார்.
இந்நிலையில், அவர் சின்னத்திரை சீரியலிலும் என்ட்ரி கொடுத்துள்ளார். விஜய் டிவியின் ஹிட் தொடரான 'பாரதி கண்ணம்மா' க்ளைமாக்ஸை எட்டியுள்ளது என்றே சின்னத்திரை வட்டாரங்களில் செய்தி பரவி வருகிறது. ஆனால், தற்போது இந்த தொடரில் தாமரை செல்வி என்ட்ரி கொடுத்துள்ளாராம். அதை உறுதிப்படுத்துவது போல் தாமரை செல்வியும் 'பாரதி கண்ணம்மா' சீரியல் நடிகர்களுடன் எடுத்துக்கொண்ட புகைப்படங்களை பகிர்ந்துள்ளார்.