தற்போது தமிழ் திரையுலகில் லியோ படத்தை பற்றிய பேச்சு தான் பரபரப்பாக போய்க்கொண்டிருக்கின்றது. மாஸ்டர் படத்திற்கு பிறகு விஜய் மற்றும் லோகேஷ் கனகராஜ் லியோ படத்தின் மூலம் மீண்டும் இணைந்துள்ளனர்.
மாஸ்டர் திரைப்படத்தில் விஜய்க்காக சில கமர்ஷியல் அம்சங்களை சேர்ந்திருந்த லோகேஷ் இம்முறை விஜய்யை முழுக்க முழுக்க தன் ஸ்டைலில் இயக்கிவருகிறார். இதுவே படத்தின் மீதான எதிர்பார்ப்பிற்கு முக்கிய காரணமாக இருக்கின்றது.
AK62: விஜய் – அஜித்திற்காக மோதிக்கொண்ட ரசிகைகள்..!அதுக்குன்னு இப்படியா ?
இதையடுத்து இப்படத்தில் த்ரிஷா நாயகியாக நடிக்க அர்ஜுன், சஞ்சய் தத், கௌதம் மேனன், மிஸ்கின், மன்சூர் அலி கான் என மிகப்பெரிய நட்சத்திர பட்டாளமே நடித்து வருகின்றனர். இதையடுத்து இப்படத்தின் படப்பிடிப்பு தற்போது காஷ்மீரில் நடைபெற்று வருகின்றது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இந்நிலையில் இப்படத்தின் அறிவிப்புகளை ஒன்றன் பின் ஒன்றாக படக்குழு வெளியிட்டு ரசிகர்களை உற்சாகத்தில் ஆழ்த்தியது. அதுமட்டுமல்லாமல் படத்தின் டைட்டிலை ப்ரோமோவோடு வெளியிட்டு ரசிகர்களுக்கு மிகப்பெரிய சர்ப்ரைஸை படக்குழு அளித்தது.
இதன் காரணமாக உற்சாகத்தில் இருக்கும் ரசிகர்களை தற்போது இயக்குனரும், வசனகர்த்தாவுமாகிய ரத்னகுமார் மேலும் உற்சாகப்படுத்தியுள்ளார். லோகேஷின் மாஸ்டர், விக்ரம் படங்களில் வசனகர்த்தாவாக இருந்த ரத்னகுமார் லியோ படத்திலும் வசனங்களை எழுதி வருகின்றனர்.
இதையடுத்து சமீபத்தில் நிருபர்களை சந்தித்து பேசிய ரத்னகுமார், லியோ திரைப்படம் ரசிகர்களின் எதிர்பார்ப்பையும் மீறி இருக்கும் என கூறியுள்ளார். மேலும் இப்படம் LCU வில் இணையுமா இல்லையா என்பதை இப்போதைக்கு சொல்லமுடியாது எனவும் கூறினார் ரத்னகுமார். இந்நிலையில் ரத்னகுமாரின் பேச்சால் படத்தின் மீதான எதிர்பார்ப்பு பல மடங்கு உயர்ந்துள்ளது என்பது குறிப்பிடத்தக்கது.