விஜய் வாரிசு படத்தை அடுத்து லோகேஷ் கனகராஜ் இயக்கத்தில் லியோ படத்தில் நடித்து வருகின்றார். இந்திய சினிமாவே எதிர்பார்த்து காத்திருக்கும் இப்படம் வெளியான பின்பு பல வசூல் சாதனைகளை முறியடிக்கும் என எதிர்பார்க்கப்படுகின்றது.
இவர்கள் கூட்டணியில் இதற்கு முன்பு வெளியான மாஸ்டர் திரைப்படம் விஜய்க்கான கமர்ஷியல் படமாக லோகேஷ் உருவாக்கியிருந்தார். ஆனால் இம்முறை லோகேஷ் லியோ திரைப்படத்தை முழுக்க முழுக்க தன் ஸ்டைலில் உருவாக்கிவருவதாக வந்த தகவலினால் ரசிகர்களின் எதிர்பார்ப்பு பலமடங்கு உயர்ந்துள்ளது.
Dhanush: தனுஷின் பேச்சால் ஏற்பட்ட சலசலப்பு..கொந்தளித்த ரசிகர்கள்..!
இந்நிலையில் இப்படத்தில் விஜய்யுடன் பல வருடங்களுக்கு பிறகு த்ரிஷா இணைந்து நடித்து வருகின்றார். மேலும் அர்ஜுன், சஞ்சய் தத், மிஸ்கின், கௌதம் மேனன் என மிகப்பெரிய நட்சத்திர பட்டாளமே நடித்து வருகின்றனர்.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
கடந்த வாரம் லியோ படத்தின் டைட்டில் மற்றும் ப்ரோமோ வீடியோ வெளியாகி செம வைரலானது. இதையடுத்து இப்படம் LCU வில் இணையுமா இல்லையா என்பது தான் தற்போது ரசிகர்களின் கேள்வியாக இருக்கின்றது.
இந்நிலையில் லியோ படத்தின் படப்பிடிப்பு தற்போது காஷ்மீரில் விறுவிறுப்பாக நடைபெற்று வருகின்றது. கௌதம் மேனன், த்ரிஷா, விஜய் தொடர்பான காட்சிகள் காஷ்மீரில் படமாக்கப்பட்டு வருகின்றது.
இதைத்தொடர்ந்து தற்போது லியோ படத்தின் ஷூட்டிங் ஸ்பாட்டிலிருந்து வீடியோ ஒன்று லீக்காகியுள்ளது. இதன் காரணமாக படக்குழு கடும் அப்சட்டில் இருக்கின்றது. இதைப்போல தொடர்ந்து விஜய்யின் படங்களின் காட்சிகள் படப்பிடிப்பின் போதே லீக்காகி வருகின்றது குறிப்பிடத்தக்கது.