மீண்டும் இணைந்து நடிக்கும் சிம்ரன் – லைலா

ஈரம் படத்தின் வெற்றிக்குப் பிறகு இயக்குநர் அறிவழகன் மற்றும் நடிகர் ஆதி மற்றும் இசையமைப்பாளர் தமன் வெற்றிக் கூட்டணியில் உருவாகும் “சப்தம்” படத்தில் நடிகை சிம்ரன் ஒரு முக்கிய கதாப்பாத்திரத்தில் நடிக்க ஒப்பந்தமாகியுள்ளார்.

முன்னதாக இப்படத்தில் நாயகியாக லக்ஷ்மி மேனன் இணைந்தார். அதற்கடுத்து முக்கியமான பாத்திரத்தில் நடிக்க லைலா இணைந்த நிலையில் தற்போது நடிகை சிம்ரன் இணைந்துள்ளார்.

லைலாவும், சிம்ரனும் முன்னதாக பார்த்தேன் ரசித்தேன், பிதாமகன் படங்களில் இணைந்து நடித்திருந்தனர். நீண்ட இடைவெளிக்கு பின் இவர்கள் இணைந்து நடிக்கிறார்கள். ஹாரர் திரில்லராக இப்படம் உருவாகிறது. இப்படத்தை எழுதி இயக்குவதுடன் தயாரிப்பாளராகவும் தன் புதிய பயணத்தை துவங்கியுள்ள இயக்குநர் அறிவழகன் Aalpha Frames நிறுவனம் சார்பில், 7G Films நிறுவனத்தின் தயாரிப்பாளர் சிவா உடன் இணைந்து, இப்படத்தை தயாரிக்கிறார். இப்படத்தின் பர்ஸ்ட் லுக், டீசர் பற்றிய அறிவிப்புகள் விரைவில் அதிகாரப்பூர்வமாக வெளியாகும் என கூறப்படுகிறது.

Leave a Comment

This site uses Akismet to reduce spam. Learn how your comment data is processed.