ஹனுமன் படத்தின் ரிலீஸ் தேதி அறிவிப்பு!
இயக்குனர் பிரசாந்த் வர்மா இயக்கத்தில் தேஜா சஜ்ஜா, அமிர்தா ஐயர், வரலட்சுமி சரத்குமார், வினய் ராய் உள்ளிட்டோர் முக்கிய கதாபாத்திரத்தில் நடித்து வரும் திரைப்படம் ஹனுமன். கவுரஹரி, அனுதீப் தேவ் மற்றும் கிருஷ்ண சவுரப் என மூன்று இசையமைப்பாளர்கள் இணைந்து இசையமைத்துள்ள இந்த படத்தை ப்ரைம் ஷோ என்டர்டெய்ன்மென்ட் நிறுவனம் தயாரித்துள்ளது.
ஏற்கனவே இந்த படம் மே 12ம் தேதி தெலுங்கு, ஹிந்தி, மராத்தி, தமிழ், கன்னடம், மலையாளம் ஆகிய மொழிகளில் வெளியாகும் என அறிவித்திருந்த நிலையில் இப்படத்தின் கிராபிக்ஸ் பணிகளில் ஏற்பட்ட தாமதங்களால் படம் வெளியாகவில்லை. இந்த நிலையில் நேற்று இந்த படத்தின் புதிய ரிலீஸ் தேதியே குறித்து தெரிவித்துள்ளனர். ஹனுமன் படம் 2024ம் ஆண்டில் பொங்கல் பண்டிகையை முன்னிட்டு ஜனவரி 12ம் தேதி வெளியாகும் என்று புதிய போஸ்டர் உடன் அறிவித்துள்ளனர்.