கோலிவுட் சினிமாவில் மிகப்பெரிய எதிர்பார்ப்பினை கிளப்பியுள்ள படமாக ‘கேப்டன் மில்லர்’ உருவாகி வருகிறது. அருண் மாதேஸ்வரன் இயக்கத்தில் கடந்த சில மாதங்களாகவே இதன் படப்பிடிப்பு படு தீவிரமாக நடந்து வருகிறது. அண்மையில் இதன் பர்ஸ்ட் லுக் போஸ்டரும் வெளியாகி ரசிகர்களின் எதிர்பார்ப்பினை எகிற செய்துள்ளது. இந்நிலையில் ‘கேப்டன் மில்லர்’ படம் குறித்த அதிரடி அப்டேட்டை படக்குழு தற்போது வெளியிட்டுள்ளனர்.
தமிழ் சினிமாவில் முன்னணி நடிகராக திகழ்பவர் தனுஷ். எந்த கேரக்டர் கொடுத்தாலும் அந்த கதாபாத்திரமாக மாறி மிரள வைப்பவர். இவரின் வெறித்தனமான நடிப்பிற்கு என்றே தனியொரு ரசிகர்கள் பட்டாளம் உள்ளது. இந்நிலையில் தனுஷின் அசுரத்தனமான நடிப்பிற்கு தீனி போடும் விதமாக ‘கேப்டன் மில்லர்’ படம் உருவாகி வருகிறது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
தமிழ் சினிமாவில் ராக்கி, சாணிக்காயிதம் போன்ற ரத்தம் தெறிக்க தெறிக்க வெளியான படங்களை இய்க்கியவர் அருண் மாதேஸ்வரன். இந்த இரண்டு படங்களும் வசூல்ரீதியாக வரவேற்பை பெறவில்லை என்றாலும் அருணின் வித்தியாசமான மேக்கிங்கால் கவனம் ஈர்த்தன. இந்த இரண்டு படங்களால் ரசிகர்களை மிரள வைத்தார். இதனையடுத்து தற்போது தனது மூன்றாவது படைப்பாக ‘கேப்டர் மில்லர்’ படத்தினை இயக்கி வருகிறார்.
இந்தப்படம் கட்டாயமாக அருண் மாதேஸ்வரனுக்கு மிகப்பெரிய பிரேக் கொடுக்கும் என எதிர்பார்க்கப்படுகிறது. இந்தப்படம் பீரியட் பிலிமாக 1930 – 40 காலக்கட்டங்களில் நடக்கும் சம்பவங்களாக உருவாகி வருகிறது. மேலும், கேப்டன் மில்லர்’ படம் இரண்டு பாகங்களாக உருவாக வாய்ப்புள்ளதாகவும் கூறப்படுகிறது. இந்தப்படத்தின் பர்ஸ்ட் லுக் போஸ்டர் நூற்றுக்கணக்கான பிணங்களுக்கு நடுவில் தனுஷ் மிஷின் கன்னுடன் நிற்பதை போன்று மிரட்டலாக வெளியானது.
Chandramukhi 2: ‘சந்திரமுகி 2’ படத்தின் முதல் விமர்சனம்.. மரண பயம் காட்ட போகுது.!
இந்நிலையில் ‘கேப்டன் மில்லர்’ படம் குறித்த அதிரடி அறிவிப்பை படக்குழுவினர் அதிகாரப்பூர்வமாக வெளியிட்டுள்ளனர். அதனபடி, வரும் 28 ஆம் தேதி தனுஷின் பிறந்தநாளை முன்னிட்டு இந்தப்படத்தின் டீசர் வெளியாகவுள்ளதாக அறிவிக்கப்பட்டுள்ளது. இந்த அப்டேட் தனுஷ் ரசிகர்கள் மத்தியில் கொண்டாட்டத்தை ஏற்படுத்தியுள்ளது.
‘கேப்டன் மில்லர்’ படத்தில் தனுஷுடன் பிரியாங்கா மோகன், சந்தீப் கிஷன், ஜான் கொக்கன், நிவேதிதா சதீஷ், பாலசரவணன் மற்றும் கன்னட சூப்பர் ஸ்டார் சிவராஜ்குமார் ஆகியோர் இணைந்து நடித்து வருகின்றனர். சத்ய ஜோதி பிலிம்ஸ் தயாரிப்பில் உருவாகும் இந்தப்படத்திற்கு ஜிவி பிரகாஷ் இசையமைக்கிறார். மேலும், ‘கேப்டன் மில்லர்’ படத்தின் தனுஷ் இலங்கையை சார்ந்த போராளியாக நடிப்பது குறிப்பிடத்தக்கது.
Maaveeran: 10 நாட்களில் ‘மாவீரன்’ செய்த வசூல்: ‘அந்த’ சாதனை படைப்பாரா சிவகார்த்திகேயன்.?