பாபா, தனிகாட்டு ராஜா படங்களை தொடர்ந்து ரீ ரிலீஸ் ஆகும் முத்து
கடந்த 1995ம் ஆண்டில் கே.எஸ்.ரவிக்குமார் இயக்கத்தில் ரஜினிகாந்த், மீனா, சரத்பாபு, ராதாரவி உள்ளிட்டோர் நடித்து வெளிவந்த படம் முத்து. கவிதாலயா நிறுவனம் தயாரித்த இப்படத்திற்கு ஏ.ஆர்.ரஹ்மான் இசையமைத்திருந்தார். இந்த படம் வெளிவந்த காலகட்டத்தில் வசூல் ரீதியாக பெரும் வெற்றியை பெற்றது. இந்தியாவை கடந்து ஜப்பானிலும் வசூலை குவித்தது.
இந்த நிலையில் முத்து படத்தை மீண்டும் தமிழ்நாட்டில் டிஜிட்டல் முறையில் 4K தொழில்நுட்பத்தில் ரீ மாஸ்டர் செய்து வருகின்ற டிசம்பர் 12ம் தேதி ரஜினி பிறந்தநாளை முன்னிட்டு ரீ ரிலீஸ் செய்ய படக்குழுவினர்கள் திட்டமிட்டுள்ளதாக தகவல் வெளியாகியுள்ளது. இது குறித்து அதிகாரப்பூர்வ அறிவிப்பு வெளியாகும் என்கிறார்கள். ஏற்கனவே, ரஜினி நடித்த தனிகாட்டு ராஜா, பாபா ஆகிய படங்கள் டிஜிட்டலுக்கு மாற்றப்பட்டு சில மாதங்களுக்கு முன்பு வெளியானது என்பது குறிப்பிடத்தக்கது.