நெல்சன் திலீப்குமார் இயக்கத்தில் உருவாகியுள்ள ஜெயிலரில் ரஜினியை திரையில் காண ரசிகர்கள் ஆர்வமுடன் காத்திருக்கின்றனர். இந்தப்படத்தின் அடுத்தடுத்த அப்டேட்களால் சோஷியல் மீடியாவே பரபரப்பாகி வருகிறது. ‘ஜெயிலர்’ படத்தின் முதல் மற்றும் இரண்டாம் பாடல்கள் வெளியாகி ஹிட்டடித்த நிலையில் தற்போது இந்தப்படத்தின் மிரட்டலான மூன்றாவது சிங்கிள் வெளியாகியுள்ளது.
கோலிவுட் சினிமாவில் பெரும் எதிர்பார்ப்புக்கு மத்தியில் உருவாகியுள்ள ‘ஜெயிலர்’ படத்தின் முதல் அப்டேட்டாக ‘காவாலா’ என்ற பாடல் வெளியானது. அனிருத்தின் பட்டையை கிளப்பும் இசையில் தமன்னாவின் டக்கரான கிளாமர் டான்ஸுடன் வெளியான இந்தப்பாடல் பட்டித்தொட்டி எங்கும் பட்டையை கிளப்பியது.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
இந்தப்பாடலுக்கு தொடர்ச்சியாக ரசிகர்கள் வைப் செய்து வந்தனர். இதனையடுத்து இர்ண்டாவது சிங்கிளாக ‘ஹுக்கும்’ என்ற பாடல் வெளியானது. ரஜினிக்கான மாஸ் வரிகளுடன் ரிலீசானது இந்தப்பாடல். அத்துடன் ‘ஹுக்கும்’ பாடல் விஜய்யை தாக்குவதை போல் இருப்பதாகவும் விமர்சனங்கள் எழுந்தன. இந்த சர்ச்சைகளுக்கு எல்லாம் மத்தியிலும் ‘ஹுக்கும்’ பாடல் பட்டையை கிளப்பியது.
இந்நிலையில் தற்போது ‘ஜெயிலர்’ படத்தின் மூன்றாவது சிங்கிளாக ‘ஜுஜுபி’ என்ற பாடல் தற்போது வெளியாகியுள்ளது. இந்தப்பாடலை ‘தீ’ பாடியுள்ளார். இவர் சோஷியல் மீடியாவில் பட்டையை கிளப்பிய ‘என்சாய் எஞ்சாமி’ உள்ளிட்ட பல ஹிட் பாடல்களை பாடியவர். மேலும், ‘ஜுஜுபி’ பாடலை ‘ஹுக்கும்’ பாடலை எழுதிய சூப்பர் சுப்புவே எழுதியுள்ளார்.
Thangalaan: அடேங்கப்பா.. பிரம்மாண்டமாக உருவாகும் ‘தங்கலான்’ படத்தின் பட்ஜெட் மட்டும் இவ்வளவா.!
‘பணியாத ஆளு பாரு’, ‘புரிஞ்சிடாத பாத நூறு. இவன் ரூட்டே வேறு’ என்ற பட்டையை கிளப்பும் வரிகளுடன் ‘ஜெயிலர் மூன்றாவது சிங்கிள் வெளியாகியுள்ளது. இதனிடையில் இந்தப்படத்தின் இசை வெளியீட்டு விழா வரும் 28 ஆம் தேதி நடைபெறவுள்ளது. சென்னையில் உள்ள நேரு உள்விளையாட்டு அரங்கத்தில் பிரம்மாண்டமாக நடைபெறவுள்ள இந்தப்பாடல் வெளியீட்டு விழாவில் திரையுலக பிரபலங்கள் பலர் கலந்து கொள்வார்கள் என எதிர்பார்க்கப்படுகிறது.
சன் பிக்சர்ஸ் தயாரிப்பில் அனிருத் இசையில் உருவாகியுள்ள ‘ஜெயிலர்’ படம் ஆகஸ்ட் 10 ஆம் தேதி ரிலீசாகவுள்ளது. இந்தப்படத்தினை தொடர்ந்து ரஜினி நடிக்கவுள்ள படத்தினை த.செ. ஞானவேல் இயக்கவுள்ளார். லைகா நிறுவனத்தின் தயாரிக்கும் ‘தலைவர் 170’ படம் உண்மை சம்பவத்தை மையமாக வைத்து உருவாகவுள்ளதாக கூறப்படுகிறது. இதனிடையில் ரஜினி தனது மகள் ஐஸ்வர்யா இயக்கியுள்ள ‘லால் சலாம்’ படத்தில் மொய்தீன் பாயாக கெஸ்ட் ரோலில் நடித்துள்ளது குறிப்பிடத்தக்கது.
Jailer: ‘ஜெயிலர்’ படம் குறித்து வெளியான திடீர் அறிவிப்பு : ரசிகர்கள் ஏமாற்றம்.!