சகோதரியின் நிச்சயதார்த்த நிகழ்வில் நடனம் ஆடிய சாய்பல்லவி
சினிமாவில் இருக்கும் பல பிரபலங்கள் தாங்கள் பிசியான நட்சத்திரங்களாக இருக்கும் நிலையில் தங்களது இளைய சகோதர, சகோதரிகளின் திருமணத்திற்கு வழிவிட்டு ஒதுங்கிக் கொள்வது வழக்கமான ஒன்றுதான். நடிகர்களில் சிம்பு, அதர்வா ஆகியோரை உதாரணமாக சொல்லலாம். தற்போது அதேபாணியில் நடிகை சாய்பல்லவியின் இளைய சகோதரியான பூஜா கண்ணன் திருமண நிகழ்வில் அடி எடுத்து வைக்க இருக்கிறார். இவருக்கும் இவரது நீண்ட நாள் நண்பரான வினீத் என்பவருக்கும் இரு குடும்பத்தினராலும் திருமணம் முடிவு செய்யப்பட்டுள்ளது.
இதற்கான நிச்சயதார்த்த விழா சாய்பல்லவியின் வீட்டில் விமர்சையாக நடைபெற்றது. இந்த நிகழ்வில் இசைக்கப்பட்ட ஒரு நாட்டுப்புற பாடலுக்கு அங்கிருந்த உறவினர்களுடன் சாய்பல்லவி சேர்ந்து நடனம் ஆடியுள்ளார். அதிரடி நடனத்திற்காக அறியப்பட்ட சாய்பல்லவி இந்த நிகழ்வில் அழகியலுடன் கூடிய குரூப் நடனம் ஆடியுள்ளார். இது குறித்த வீடியோ ஒன்று தற்போது சோசியல் மீடியாவில் வெளியாகி வைரல் ஆகியுள்ளது.