ஐஸ்வர்யா
ரஜினிகாந்த் 9 ஆண்டுகள் கழித்து இயக்கியிருக்கும் காதல் பாடல் வீடியோ இன்று மாலை வெளியாகவிருக்கிறது.
அந்த பாடல் இந்தி, தமிழ், மலையாளம், தெலுங்கு என்று நான்கு மொழிகளில் வெளியிடப்படுகிறது. இந்நிலையில் ஐஸ்வர்யாவின் காதல் பாடல் வீடியோவை வாழ்த்தி தமிழில் இசையமைப்பாளர் யுவன் ஷங்கர் ராஜா, மலையாளத்தில்
துல்கர் சல்மான்
, தெலுங்கில் ராணா ஆகியோர் விளம்பரம் செய்த வீடியோ வெளியாகியிருக்கிறது.
யாத்ரக்காரன் பற்றி துல்கர் சல்மான் கூறியிருப்பதாவது,
என் தோழி ஐஸ்வர்யா ரஜினிகாந்த் 9 ஆண்டுகள் கழித்து ஒரு விஷயம் செய்திருக்கிறார். அது இசை பாடல் வீடியோ. நான்கு மொழிகளில் வெளியாகிறது. மலையாளத்தில் யாத்ரக்காரன் என்று வருகிறது. அந்த வீடியோவை பார்த்து லைக் செய்யவும், ஐஸ்வர்யாவை ஆதரிக்கவும்.
ஐஸ்வர்யாவுக்கு வாழ்த்துக்கள். அடுத்தமுறை இவ்வளவு பெரிய கேப் விட வேண்டாம். லாட்ஸ் ஆஃப் லவ் டு யு என தெரிவித்துள்ளார்.
3 படம் மூலம் இயக்குநர் அவதாரம் எடுத்த ஐஸ்வர்யா 9 ஆண்டுகளாக எதையும் செய்யாமல் இருந்தது தான் ஏன் என பலரும் கேள்வி எழுப்பியுள்ளனர். ஐஸ்வர்யா இயக்கத்தில் கடைசியாக வெளியான படம் வை ராஜா வை. கவுதம் கார்த்திக் ஹீரோவாக நடித்திருந்தார் என்பது குறிப்பிடத்தக்கது.
இது போதும் அண்ணி: ஐஸ்வர்யாவால் துள்ளிக் குதிக்கும் தனுஷ் ரசிகர்கள்