போரூர் மின்மயானபூமியில் தொடர்ந்து பராமரிப்பு பணி நடைபெற உள்ளதால், பொதுமக்கள் அருகிலுள்ள பிருந்தாவன் நகர் மயானபூமியைப் பயன்படுத்திக் கொள்ளுமாறு சென்னை மாநகராட்சி கேட்டுக்கொண்டுள்ளது.
சென்னை மாநகராட்சி வெளியிட்டுள்ள செய்திக்குறிப்பில், வளசரவாக்கம் மண்டலம், பகுதி-34,
வார்டு-151க்குட்பட்ட போரூர் மின்சார மயானபூமியின் புகைப்போக்கியில் (சிம்னி) பழுதடைந்துள்ள காரணத்தினால், மார்ச் மாதம் மூன்றாம் தேதியில் இருந்து போரூர் மின்சார மின்சார மயானபூமி இயங்காது என ஏற்கனவே தெரிவிக்கப்பட்டிருந்தது.
தற்பொழுது மேற்கண்ட மயானபூமியில் தொடர்ந்து பராமரிப்பு பணிகள் நடைபெற்று வருவதால் ஏப்ரல் 7-ஆம் தேதி வரை இயங்காது. எனவே, பராமரிப்பு பணிகள் நடைபெறும் நாட்களில் பொதுமக்கள் அருகிலுள்ள வார்டு-149க்குட்பட்ட பிருந்தாவன் நகர் மயானபூமியினை பயன்படுத்திக் கொள்ளுமாறு தெரிவிக்கப்பட்டுள்ளது.