உலகக் கோப்பை கால்பந்து தொடரின் அரையிறுதி போட்டியில் இன்று அர்ஜென்டினாவும், குரோஷியாவும் போட்டி போடுகின்றன.
அரையிறுதி ஆட்டம்
கத்தார் உலகக் கோப்பை தொடரின் அரையிறுதி ஆட்டங்களுக்கு அர்ஜென்டினா, பிரான்ஸ், குரோஷியா, மொராக்கோ அணிகள் முன்னேறியுள்ளன.
இந்த நிலையில் லுசைஸ் ஐகானிக் ஸ்டேடியத்தில் இன்று நள்ளிரவு 12.30 மணிக்கு தொடங்கும் முதலாவது அரை இறுதியில் முன்னாள் சாம்பியனான அர்ஜென்டினா அணி, குரோஷியாவுடன் மோதுகிறது.
கடந்த உலகக் கோப்பையில் இறுதி சுற்றில் தோல்வியை தழுவிய குரோஷியா, இதுவரை உலகக் கோப்பையை வென்றதில்லை. நடப்பு உலகக் கோப்பை தொடரில் அந்த அணி எந்த போட்டியிலும் தோல்வியை சந்திக்கவில்லை.
AFP
மெஸ்ஸி
1978, 1986-ம் ஆண்டுகளில் உலக கோப்பையை வென்றுள்ள அர்ஜென்டினா, அரை இறுதி ஆட்டங்களில் இதுவரை தோல்வி அடைந்ததில்லை. அர்ஜென்டினா அணிக்கு நட்சத்திர வீரர் லயோனல் மெஸ்சி இருப்பது கூடுதல் பல சேர்க்கும் என்பதில் சந்தேகமில்லை.
இரு அணிகளும் சமபலம் கொண்டதாக கூறப்பட்டாலும் அர்ஜென்டினாவுக்கு அதிக வெற்றி வாய்ப்பு இருப்பதாக கருதப்படுகிறது.