இயக்குனர் குணசேகர் மகள் திருமண வரவேற்பு ; மகேஷ்பாபு, அல்லு அர்ஜுன் பங்கேற்பு
தெலுங்கு திரையுலகில் மிக பிரபலமான இயக்குனராக வலம் வருபவர் குணசேகர். மகேஷ்பாபுவுக்கு ஒக்கடு படத்தின் மூலம் மிகப்பெரிய ஸ்டார் ஹீரோ அந்தஸ்தை பெற்றுத்தந்த இவர், தொடர்ந்து அவரை வைத்து சில வெற்றி படங்களை கொடுத்தார். சில ஆண்டுகளுக்கு முன்பு அல்லு அர்ஜுன், அனுஷ்கா, ராணா நடிப்பில் ருத்ரமாதேவி என்கிற படத்தை இயக்கினார்.
தற்போது சமந்தா நடிப்பில் சாகுந்தலம் என்கிற படத்தை இயக்கி வருகிறார் குணசேகர். இந்த நிலையில் இவரது மகள் நீலிமாவுக்கும் ரவி பிரக்யா என்பவருக்கும் திருமணம் நிச்சயிக்கப்பட்டு நேற்று திருமணம் நடைபெற்றது. முன்னதாக நடைபெற்ற வரவேற்பு நிகழ்ச்சியில் நடிகர்கள் மகேஷ்பாபு, அல்லு அர்ஜுன் ஆகியோர் கலந்துகொண்டு மணமக்களை வாழ்த்தினர்.