நடிகை ஸ்ரீ லீலா-விற்கு குவியும் பட வாய்ப்பு
நடிகை ஸ்ரீ லீலா 2019-ம் ஆண்டு கன்னட சினிமாவில் கிஸ் என்ற படத்தின் மூலம் கதாநாயகியாக அறிமுகமானார் . அதனை தொடர்ந்து கடந்த 2021ல் பெல்லி சண்டை என்ற படத்தின் மூலம் தெலுங்கு சினிமாவிலும் அறிமுகம் ஆனார். சமீபத்தில் நடிகர் ரவி தேஜா நடித்து வெளிவந்த தமாகா படத்தில் அவருக்கு ஜோடியாக நடித்தார்.
தற்போது மகேஷ் பாபு, பவன் கல்யாண், நந்தமுரி பாலகிருஷ்ணா என முண்ணனி நடிகர்களுக்கு ஜோடியாக நடிக்க ஒப்பந்தம் ஆகியுள்ளார் ஸ்ரீ லீலா. இந்நிலையில் இயக்குனர் கவுதம் தின்னூரி இயக்கத்தில் நடிகர் விஜய் தேவர்கொண்டா நடிப்பில் உருவாக இருக்கும் புதிய படத்திற்கு ஸ்ரீ லீலா கதாநாயகியாக ஒப்பந்தம் ஆகியுள்ளார் என தகவல் வெளியாகியுள்ளது. சித்தாரா எண்டர்டெயின்மெண்ட் நிறுவனம் தயாரிக்கும் இப்படத்திற்கு அனிரூத் இசையமைக்கவுள்ளார் .