எலக்ட்ரானிக் பஜார் – உங்கள் பட்ஜெட்டுக்கு ஏற்ற ஸ்மார்ட்போன்கள்
ஆல்ரவுண்டர் தனுஷ் தமிழ் சினிமாவில் ஒரு நடிகராக மட்டுமல்லாமல் பாடகர், பாடலாசிரியர், தயாரிப்பாளர் இயக்குனர் என பல முகம் கொண்டவராக வலம் வருகின்றார். மேலும் தமிழில் மட்டுமல்லாது பாலிவுட், ஹாலிவுட் படங்களிலும் நடித்து தன் ரசிகர்கள் வட்டாரத்தை பெருக்கியுள்ளார். சமீபத்தில் வெளியான வாத்தி படத்தின் மூலம் தெலுங்கிலும் அறிமுகமானார் தனுஷ். தற்போது தனுஷின் திரைப்படங்கள் தொடர் வெற்றிகளை கண்டு வருவதால் அவரின் அடுத்தடுத்த படங்களின் மீது மிகுந்த எதிர்பார்ப்பு இருந்து வருகின்றது
வசூல் நாயகன் இடையில் சில காலம் தோல்வி படங்களான கொடுத்து வந்த தனுஷிற்கு மித்ரன் ஜவஹர் இயக்கத்தில் வெளியான திருச்சிற்றம்பலம் திரைப்படம் மிகப்பெரிய வெற்றியை பெற்று தந்தது. இப்படம் நூறு கோடிக்கு மேல் வசூலித்த நிலையில் சமீபத்தில் தனுஷ் தமிழ் மற்றும் தெலுங்கு என இரு மொழிகளில் நடித்த வாத்தி திரைப்படம் வெளியானது. இப்படமும் ரசிகர்கள் வரவேற்பை பெற்று வசூலில் அடித்து நொறுக்கியது. இவ்வாறு தனுஷின் படங்கள் தொடர்ந்து வசூலில் சாதனை படைத்து வருவதால் அவரது மார்க்கெட்டும் கணிசமாக உயர்ந்துள்ளது. தற்போது அருண் மாதீஸ்வரன் இயக்கத்தில் தனுஷ் நடித்து வரும் கேப்டன் மில்லர் படத்திற்கு ரசிகர்கள் மத்தியில் மிகப்பெரிய எதிர்பார்ப்பு இருந்து வருகின்றது
அடுத்தகட்டம் தனுஷ் தற்போது நடித்து வரும் கேப்டன் மில்லர் திரைப்படம் மிகப்பெரிய பொருட்ச்செலவில் பான் இந்திய படமாக உருவாகி வருகின்றது. இதையடுத்து தனுஷ் தன் ஐம்பதாவது திரைப்படத்தை சன் பிக்சர்ஸ் தயாரிப்பில் மிகப்பிரமாண்டமாக தானே இயக்கி நடிக்கவுள்ளார். இப்படம் கிட்டத்தட்ட நூறு கோடி பட்ஜெட்டில் உருவாக இருக்கின்றதாம். கேங்ஸ்டர் கதைக்களத்தில் உருவாகும் இப்படத்தில் தனுஷுடன் இணைந்து விஷ்ணு விஷால் மற்றும் எஸ்.ஜெ.சூர்யா ஆகியோர் நடிப்பதாக தகவல்கள் வருகின்றன. இவ்வாறு தனுஷ் அடுத்தடுத்த திரைப்படங்கள் மிகப்பெரிய பட்ஜெட்டில் உருவாகி வருகின்றது. அவரின் படங்கள் தொடர்ந்து ரசிகர்கள் மத்தியில் மிகப்பெரிய வரவேற்பை பெற்று வருவதால் அவரின் அடுத்தடுத்த திரைப்படங்கள் மிகப்பெரிய பட்ஜெட்டில் உருவாகி வருகின்றது
அட்வைஸ் செய்த தனுஷ் தற்போது இருக்கும் சோஷியல் மீடியா உலகத்தில் நடிகர்களின் பழைய வீடியோக்கள் மற்றும் பேட்டிகளை ரசிகர்கள் இணையத்தில் அதிகம் பகிர்ந்து வருகின்றனர். அந்த வகையில் தனுஷின் பழைய பேட்டி ஒன்றை அவரது ரசிகர்கள் சோஷியல் மீடியாவில் ஷேர் செய்து வருகின்றனர். அதாவது தனுஷ் அந்த பேட்டியில், தன் மகனை பற்றி பேசியுள்ளார். அவர் பேசியதாவது, என் மகன் யாத்ரா கையில் கிடைக்கும் பொருட்களை தூக்கி போட்டு உடைத்துவிடுவார். அந்த பொருள் எவ்வளவு விலை என்பதையெல்லாம் அவர் கவனிக்கமாட்டார். அப்போது நான், உங்க தாத்தா தான் சூப்பர்ஸ்டார், உங்க அப்பா கிடையாது. இவ்வளவு காஸ்ட்லியான பொருளை தூக்கி போடுறியே, இதெல்லாம் நமக்கு கட்டுபடியாகாது என கூறுவேன் என தனுஷ் ஒரு பேட்டியில் செம ஜாலியாக பேசியுள்ளார்.