ரஜினியின் நடிப்பில் உருவாகியுள்ள ஜெயிலர் படத்தை ரசிகர்கள் ஆவலாக எதிர்பார்த்து காத்துக்கொண்டிருக்கின்றனர். சன் பிக்சர்ஸ் தயாரிப்பில் அனிருத்தின் இசையில் உருவான இப்படத்தில் தமன்னா, ரம்யா கிருஷ்ணன், யோகி பாபு என பலர் நடித்துள்ளனர். மேலும் மோகன்லால், ஷிவ்ராஜ்குமார் , ஜாக்கி ஷாரூப் என இந்திய திரையுலகில் இருக்கும் முன்னணி நட்சத்திரங்களின் வருகையால் ஜெயிலர் திரைப்படம் பான் இந்திய படமாக உருவாகியுள்ளது.
இந்நிலையில் சமீபகாலமாக ரஜினியின் படங்கள் சொல்லிக்கொள்ளும் அளவிற்கு வெற்றியை பெறவில்லை என்பதால் இப்படத்தை எப்படியாவது வெற்றிப்படமாக கொடுக்கவேண்டும் என தீவிரமாக இருக்கின்றார் தலைவர். அதுபோல நெல்சனுக்கும் வெற்றி அவசியம் என்பதால் ஜெயிலர் படத்தில் கூடுதல் கவனம் செலுத்தி வருகின்றார்.
Maaveeran: மாவீரன் படத்திற்காக சிவகார்த்திகேயன் வாங்கிய சம்பளம்..அடேங்கப்பா..!
எனவே இப்படத்தில் ஒவ்வொரு விஷயத்தையும் பார்த்து பார்த்து இருவரும் செய்து வருகின்றனர். மேலும் ரஜினியின் வழக்கமாக பார்முலாவில் இருந்து விலகி ஜெயிலர் படம் உருவாகி வருகின்றதாகவும் தகவல்கள் வந்தன. இந்நிலையில் மிகப்பெரிய எதிர்பார்ப்பில் இருக்கும் இப்படத்தின் முதல் பாடல் சில தினங்களுக்கு முன்பு வெளியானது.
காவாலா வரவேற்பு
காவாலா எனும் இப்பாடலை வெளியிட நெல்சன் தன் பாணியில் ப்ரோமோ வீடியோ ஒன்றை வெளியிட்டார். அந்த ப்ரோமோ வைரலானதை அடுத்து காவாலா பாடலும் ரசிகர்கள் மத்தியில் வரவேற்பை பெற்று வருகின்றது. இருந்தாலும் சூப்பர்ஸ்டார் நடிகரான ரஜினியின் ஜெயிலர் படத்தில் இருந்து தமன்னாவை முன்னிலைப்படுத்திய பாடல் முதலில் வெளியானது சில விமர்சனங்களை உண்டாக்கியது.
மகிழ்ச்சியில் ரஜினி
மேலும் இதன் காரணமாக சில ரசிகர்களும் ஏமாற்றத்தில் இருந்தனர். ஆனால் காவாலா பாடலுக்கு படக்குழு எதிர்பார்த்ததை விட வரவேற்பு கிடைத்து வருகின்றது. இப்பாடல் வெளியான ஒரு மணி நேரத்திலேயே ஒரு மில்லியன் பார்வையாளர்களை பெற்று யூடியூபில் சாதனை படைத்தது.
இதைத்தொடர்ந்து தற்போது வரை யூடியூபில் பல சாதனைகளை செய்து வரும் காவலா பாடலால் ரஜினி உச்சகட்ட மகிழ்ச்சியில் இருக்கிறாராம்.இந்நிலையில் நெல்சன் தான் முதலில் காவாலா பாடலை வெளியிடலாம் என்றும், அதன் பிறகு ரஜினியின் பாடலை வெளியிடலாம் என கூறினாராம். ஆனால் ரஜினிக்கு இந்த முடிவில் சந்தேகம் இருந்தது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்
இருப்பினும் நெல்சன் கண்டிப்பாக இந்த முடிவு ஒர்கவுட் ஆகும் என அடித்து கூறி காவாலா பாடலை வெளியிட்டு தான் சொன்னதை செய்து காட்டியுள்ளார். இதனால் ரஜினி உச்சகட்ட மகிழ்ச்சியில் இருக்கின்றார். இதையடுத்து அடுத்ததாக வெளியாகும் ரஜினியின் பாடலுக்கு பல மடங்கு எதிர்பார்ப்பும், வரவேற்பும் கண்டிப்பாக கிடைக்கும் என்ற நம்பிக்கை ரஜினிக்கு பிறந்துள்ளது என்பது குறிப்பிடத்தக்கது.