தமிழ் சினிமாவின் முன்னணி நடிகரான சூர்யா தனது 48 வது பிறந்தநாளை வரும் ஜுலை 23 ஆம் தேதி கொண்டாடவுள்ளார். இதற்காக அவர் தற்போது நடித்து வரும் ‘கங்குவா’ படத்தின் முன்னோட்ட வீடியோவை பிரம்மாண்டமாக வெளியிட படக்குழுவினர் திட்டமிட்டுள்ளனர். இதுக்குறித்தான அதிகாரப்பூர்வ அறிவிப்பை ஸ்பெஷல் போஸ்டருடன் வெளியிட்டது தயாரிப்பு நிறுவனம்.
தமிழ் சினிமாவின் அடுத்த பிரம்மாண்ட ரிலீசாக வெளியாக இருப்பது ‘கங்குவா’ படம். சூர்யா நடிப்பில் மிகப்பெரிய எதிர்பார்ப்புடன் உருவாகி வரும் இந்தப்படத்தை சிறுத்தை சிவா இயக்கி வருகிறார். தொடர்ச்சியாக பேமிலி டிராமா படங்களை இயக்கி கமர்ஷியல் ரீதியாக தொடர் வெற்றிகளை கொடுத்து வருகிறார் சிவா. இவர் தற்போது முதன்முறையாக சூர்யாவுடன் கூட்டணி அமைத்துள்ள ‘கங்குவா’ படத்தினை தனது பாணியிலிருந்து முற்றிலும் வேறு விதமாக இயக்கி வருகிறார் சிவா.
அண்மைச் செய்திகளை உடனடியாக படிக்க கூகுள் நியூஸில் தமிழ் சமயம் இணையதளத்தை பின் தொடரவும்
3டி தொழில்நுட்பத்தில் பிரம்மாண்டமாக உருவாகி வரும் ‘கங்குவா’ படம் பத்து மொழிகளில் தயாராகிறது. இதுவரை இல்லாத அளவிற்கு இரு மடங்கு பட்ஜெட்டில் இந்தப்படத்தினை தயாரித்து வருகிறார் ஸ்டுடியோ கிரீன் ஞானவேல் ராஜா. அத்துடன் இந்தப்படத்தில் பல கெட்டப்களில் நடிக்கும் சூர்யா, இதற்காக உடல் எடையை அதிகரித்து வெறித்தனமான லுக்கில் வலம் வருகிறார்.
இந்நிலையில் ‘கங்குவா’ படத்தின் முதல் கிளிம்ப்ஸ் வீடியோவை வரும் 23 ஆம் தேதி வெளியிட உள்ளதாக படக்குழுவினர் அதிகாரப்பூர்வமாக அறிவித்துள்ளனர். அத்துடன் இதற்காக வெளியிடப்பட்ட போஸ்டரில் சூர்யாவின் முகம் தெரியாமல் ஆஜானுபாகுவான உடற்கட்டுடன், கையில் வாளேந்தி இருப்பதை போன்ற வெறித்தனமான புகைப்படம் இடம்பெற்றிருந்தது.
Ayalaan: மாவீரன் வெற்றி.. ‘அயலான்’ படம் குறித்த சூப்பரான அப்டேட் கொடுத்த எஸ்கே: அடுத்த சம்பவம்.!
இதனையடுத்து தற்போது புதிய போஸ்டர் ஒன்றை படக்குழுவினர் வெளியிட்டுள்ளனர். இதில் குதிரை மீது அமர்ந்து, நீண்ட ஜடை முடியுடன் வெறித்தனமான லுக்கில் இருக்கிறார் சூர்யா. ஆனால் இந்த இரண்டாவது போஸ்டரிலும் சூர்யாவின் முகத்தை காண்பிக்கவில்லை. கிளிம்ப்ஸ் வீடியோவில் தான் சூர்யாவின் முகம் காண்பிக்கப்படும் என எதிர்பார்க்கப்படுகிறது. இந்த சஸ்பென்ஸ் ரசிகர்கள் மத்தியில் பெரும் எதிர்பார்ப்பை கிளப்பியுள்ளது.
சூர்யா நடிப்பில் உருவாகி வரும் ‘கங்குவா’ படத்தில் பிரபல பாலிவுட் நடிகை திஷா பதானி ஹீரோயினாக நடிக்கிறார். ஜிவி பிரகாஷ் குமார் இசையமைக்கும் இந்தப்படத்தினை ஸ்டுடியோ கிரீன் நிறுவனம் பிரம்மாண்டமாக தயாரித்து வருகிறது. ‘கங்குவா’ படத்தினை வரலாற்று சரித்திர பின்னணியில் சிறுத்தை சிவா இயக்கி வருவது குறிப்பிடத்தக்கது.
அடேங்கப்பா.. ‘கல்கி’ அவதாரமெடுத்த பிரபாஸ்.. தீயா இருக்கே: மிரட்டலான முதல் பார்வை.!