3 மணிநேரம் ஓடும் டைகர் நாகேஸ்வர ராவ்
வம்சி இயக்கத்தில் ரவி தேஜா நடிப்பில் வருகின்ற அக்டோபர் 20ம் தேதி வெளியாகும் திரைப்படம் ' டைகர் நாகேஸ்வர ராவ்'. அனுபம் கெர், ரேணு தேசாய், நுபூர் சனோன் , காயத்ரி பரத்வாஜ் மற்றும் பலர் முக்கிய கதாபாத்திரத்தில் நடித்துள்ளனர். ஜி.வி. பிரகாஷ் இசையமைக்கும் இப்படத்தை அபிஷேக் அகர்வால் நிறுவனம் தயாரிக்கின்றனர்.
ஏற்கனவே இந்த படத்திலிருந்து வெளிவந்த டீசர், டிரைலர் நல்ல வரவேற்பைப் பெற்றது. தற்போது இத்திரைப்படத்திற்கு சென்சார் குழுவினர் யு/ஏ சான்றிதழ் அளித்துள்ளனர். மேலும், இந்த படத்தின் நீளம் 3 மணி நேர 1 நிமிடமாக உள்ளது என தகவல் வெளியாகியுள்ளது. சமீபத்தில் வெளிவந்த தெலுங்கு படங்களில் ராஜமவுலி படங்களை தவிர்த்து பெரும்பாலும் இவ்வளவு நீளம் உள்ள படங்கள் வெளிவராது. இதனால் ரசிகர்கள் அதிர்ச்சி அடைந்துள்ளனர்.