சுதந்திர தினத்தில் நெஞ்சுக்கு நீதி
ஹிந்தியில் வெளியாகி வெற்றி பெற்ற ஆர்ட்டிகள் 15 படம் தமிழில் நெஞ்சுக்கு நீதி என்ற பெயரில் ரீமேக் ஆனது. இதனை போனி கபூர் தயாரித்திருந்தார், அருண்ராஜா காமராஜ் இயக்கி இருந்தார். உதயநிதி ஸ்டாலின், தான்யா ரவிச்சந்திரன், ஆரி அர்ஜுனன், ஷிவானி ராஜசேகர் நடித்திருந்தார்கள். தினேஷ் கிருஷ்ணன் ஒளிப்பதிவு செய்திருந்தார். திபு நினன் தாமஸ் இசை அமைத்திருந்தார்.
ஆதிக்க சாதியினரால் படுகொலை செய்யப்பட்ட தலித் சிறுமிகளுக்காக போராடும் ஒரு போலீஸ் அதிகாரியின் கதை. இந்த படம் கடந்த மே மாதம் 20ம் தேதி தியேட்டர்களில் வெளியாகி ஓரளவு நல்ல வரவேற்பை பெற்றது. தற்போது இந்தப் படம் வருகிற ஆகஸ்ட் 15 அன்று சுந்திரதின சிறப்பு திரைப்படமாக கலைஞர் தொலைக்காட்சியில் ஒளிபரப்பாகிறது.