அமெரிக்க ஓபன் டென்னிஸ்: டியாபோ, கச்சனோவ் அரையிறுதிக்கு முன்னேற்றம்

நியூயார்க்,

‘கிராண்ட்ஸ்லாம்’ போட்டிகளில் ஒன்றான அமெரிக்க ஓபன் டென்னிஸ் தொடர் நியூயார்க் நகரில் நடந்து வருகிறது.

இதில் ஆண்கள் ஒற்றையர் பிரிவில் நேற்று நடைபெற்ற காலிறுதி போட்டியில், ஆஸ்திரேலியா வீரர் நிக் கிர்கியோஸ், ரஷிய வீரர் கரென் கச்சனோவுடன் மோதினார். இந்த போட்டியில் கச்சனோவ், 7-5, 4-6, 7-5, 6-7 (3-7), 6-4 என்ற செட் கணக்கில் கிர்கியோசை வீழ்த்தி அரையிறுதி போட்டிக்கு முன்னேறினார்.

மற்றொரு காலிறுதி போட்டியில் அமெரிக்காவின் பிரான்சிஸ் டியாபோ ரஷியாவின் ஆந்த்ரே ரூப்லெவ் உடன் மோதினார். இந்த போட்டியில் டியாபோ 7-6 (7-3), 7-6 (7-0), 6-4 என்ற செட் கணக்கில் ரூப்லெவ்வை வீழ்த்தி வெற்று பெற்று அரையிறுதிக்குள் நுழைந்தார்.