பள்ளி அணிகளுக்கான கால்பந்து: ரெட் அணி வெற்றி

சென்னை,

லேட்டன்ட் வியூ அனலிடிக்ஸ் நிறுவனம் சார்பில் அரசு மற்றும் மாநகராட்சி பள்ளியை சேர்ந்த 13 வயதுக்குட்பட்ட சிறுவர், சிறுமிகளுக்கான கால்பந்து போட்டி சென்னை நந்தனத்தில் உள்ள ஒய்.எம்.சி.ஏ. உடற்கல்வியியல் கல்லூரி மைதானத்தில் நடந்து வருகிறது. இதில் 3-வது நாளான நேற்று சிறுவர்கள் பிரிவில் நடந்த ஆட்டம் ஒன்றில் ரெட் அணி 1-0 என்ற கோல் கணக்கில் சென்னை லயன்சை வீழ்த்தியது. மற்ற ஆட்டங்களில் ஒயிட் ஸ்பார்ட்டன்ஸ் அணி 1-0 என்ற கோல் கணக்கில் எவர் கிரீனையும், கிட்ஸ் எப்.சி. 2-0 என்ற கோல் கணக்கில் சென்னை லயன்சையும் தோற்கடித்தன.

சிறுமிகள் பிரிவில் ஒயிட் ஸ்பார்ட்டன்ஸ்-மஞ்சள் டைகர்ஸ், ரெட்-சென்னை லயன்ஸ் அணிகள் மோதிய ஆட்டங்கள் கோல் எதுவுமின்றி டிராவில் முடிந்தன.