காதலியை கரம்பிடித்த இயக்குனர் பி.எஸ்.மித்ரன்
இரும்புத்திரை, ஹீரோ, சர்தார் போன்ற படங்களை இயக்கிய பி.எஸ்.மித்ரன் அடுத்ததாக சர்தார் படத்தின் 2ம் பாகத்தை இயக்க உள்ளார். இந்த நிலையில் தனது நீண்டகால காதலியான ஆஷாமீரா ஐயப்பன் என்பவரை இன்று (பிப்.,12) திருமணம் செய்துக்கொண்டார்.
சினிமா பத்திரிகையாளரான ஆஷாமீரா ஐயப்பனும், பி.எஸ்.மித்ரனும் நீண்ட காலமாக காதலித்து வந்த நிலையில், இவர்களது காதலுக்கு இரு வீட்டாரும் சம்மதம் தெரிவித்தனர். இதனையடுத்து இருவருக்கும் இன்று எளிமையான முறையில் திருமணம் நடைபெற்றது. இவர்களது திருமணத்தில் மேயாத மான், ஆடை போன்ற படங்களின் இயக்குனர் ரத்னகுமார் மற்றும் அயலான் படத்தின் இயக்குநர் ரவிக்குமார் ஆகியோர் கலந்து கொண்டு வாழ்த்தினர்.