ரஜினியின் நடிப்பில் நெல்சன் இயக்கிய ஜெயிலர் திரைப்படம் தான் தற்போது ட்ரெண்டிங்கில் இருக்கின்றது. இப்படம் ஆகஸ்ட் 10 ஆம் தேதி திரையில் வெளியாகவுள்ள நிலையில் படத்திற்கு உச்சகட்ட எதிர்பார்ப்பு இருந்து வருகின்றது.
சன் பிக்சர்ஸ் தயாரிப்பில் அனிருத்தின் இயக்கத்தில் உருவான இப்படத்தில் தமன்னா, ரம்யா கிருஷ்ணன், யோகி பாபு, வசந்த் ரவி ஆகியோர் நடித்துள்ளனர். இதுமட்டுமல்லாமல் மோகன்லால், ஷிவ்ராஜ்குமார், ஜாக்கி ஷாரூப் என இந்திய திரையுலகில் இருக்கும் முன்னணி நடிகர்கள் பலர் இப்படத்தில் நடித்துள்ளனர்.
ஜெயிலர் ட்ரைலர்
இதன் காரணமாக இப்படம் ஒரு பான் இந்திய படமாக உருவெடுத்துள்ளது. இன்னும் சொல்லப்போனால் ஜெயிலர் திரைப்படம் துவங்கிய போது இருந்த எதிர்பார்ப்பை விட தற்போது இப்படத்திற்கு பலமடங்கு எதிர்பார்ப்பு இருக்கின்றது. அதற்கு மிகமுக்கிய காரணம் படக்குழு செய்துவரும் புரமோஷன்ஸ் தான் எனலாம்.
Jailer: ஜெயிலர் படத்தின் எதிரொலி..கோலிவுட்டில் ஏற்பட்ட மிகப்பெரிய மாற்றம்..தலைவரின் தரமான சம்பவம்..!
நெல்சன் தன் வழக்கமான ஸ்டைலில் படத்தின் பாடல் வெளியீட்டிற்கு ஒரு ப்ரோமோ ஒன்றை வெளியிட்டார். அதன் பிறகு படத்தின் பாடல்களும் செம ஹிட்டடித்து ரசிகர்கள் மத்தியில் வரவேற்பை பெற்றது. மேலும் கடந்த வாரம் படத்தின் இசை வெளியீட்டு விழா மிகப்பிரமாண்டமான முறையில் நடைபெற்றது.
இதெல்லாம் படத்தின் மீதான ஹைப்பை அதிகரித்துக்கொண்டே செல்ல தற்போது ஜெயிலர் படத்தின் ட்ரைலர் வெளியாகியுள்ளது. ஒட்டுமொத்த திரையுலகமும் ரசிகர்களும் எதிர்பார்த்த ஜெயிலர் படத்தின் ட்ரைலர் தற்போது வெளியாகிவுள்ளது. இந்த ட்ரைலரை பார்த்த ரசிகர்கள் தங்களின் கருத்துக்களை கூறி வருகின்றனர்.
ரசிகர்களின் ரியாக்ஷன்ஸ்
அதாவது இந்த ட்ரைலரை பார்த்தல் இது நெல்சனின் ஸ்டைலில் உருவான படம் போல தான் இருக்கின்றது என ஒரு சிலர் பேசி வருகின்றனர். டாக்டர் மற்றும் பீஸ்ட் படங்களை போல இப்படமும் டார்க் காமெடி கலந்த ஆக்ஷன் திரில்லர் படமாக இருக்கும் என்பது ட்ரைலரை பார்க்கும்போதே தெரிகின்றது என ரசிகர்கள் கருத்து தெரிவிக்கின்றனர்.
இதையடுத்து இந்த ட்ரைலர் படத்தின் கதையை கூறாமல் மேலோட்டமாக இருப்பதால் பெரியளவில் கதையை ட்ரைலரின் மூலம் கணிக்கமுடியாமல் இருக்கின்றது என்றும் ரசிகர்கள் கூறி வருகின்றனர். இந்நிலையில் பெரும்பாலான ரசிகர்களை ஜெயிலர் ட்ரைலர் ஈர்த்துள்ளது. மேலும் இந்த ட்ரைலரின் மூலம் படத்தின் மீதான எதிர்பார்ப்பும் அதிகரித்துள்ளது. எனவே ட்ரைலரை போல இப்படமும் ரசிகர்களின் எதிர்பார்ப்பை பூர்த்தி செய்து மிகப்பெரிய வெற்றியை பெரும் என்று எதிர்பார்க்கப்படுகின்றது என்பது குறிப்பிடத்தக்கது.
அண்மைசெய்திகளை உடனடியாக படிக்க கூகுள் நியூஸில் சமயம் தமிழ் இணையத்தளத்தி பின் தொடரவும்