தமிழக சட்டமன்றத் தேர்தல் முடிவுகள் வெளியாகி வருகின்றன. தவெக பெரும்பான்மையான இடங்களில் முன்னிலை வகித்து வருகிறது.
பெரம்பூர், திருச்சி கிழக்கு என இரண்டு தொகுதிகளில் போட்டியிட்ட விஜய், இரண்டிலும் வெற்றியைப் பெற்றிருக்கிறார்.
இதுபோக, சென்னையில் பெரும்பாலான இடங்களையும் தவெக கைப்பற்றியிருக்கிறது. இப்படியான அபார வெற்றிக்கு, சினிமா நட்சத்திரங்கள் பலரும் வாழ்த்து தெரிவித்து வருகின்றனர்.
விஜய்க்கு வாழ்த்து தெரிவித்த நடிகர் சூர்யா, “மக்களின் அன்பும் ஆதரவும் கிடைப்பது வரம். நண்பர் விஜய் மீது தமிழ்நாடு பெரிய நம்பிக்கை வைத்திருக்கிறது.
தமிழக அரசியலில் புதிய அத்தியாயத்தைத் தொடங்கவிருக்கும் அவருக்கு என் மனப்பூர்வமான வாழ்த்துகள்” எனக் குறிப்பிட்டு பதிவிட்டிருக்கிறார்.
இதனைத் தொடர்ந்து நடிகர் சிரஞ்சீவி, “உங்கள் முதல் தேர்தலில் நீங்கள் பெற்றுள்ள இந்த மிகச்சிறந்த மற்றும் தகுதியான வெற்றிக்கு எனது மனமார்ந்த வாழ்த்துகள்.
நீங்கள் தொடர்ந்து உங்கள் அசைக்க முடியாத ஆர்வம் மற்றும் நோக்கத்துடன் மக்களை வழிநடத்தவும், ஊக்கப்படுத்தவும், சேவை செய்யவும் வேண்டுகிறேன்.
தமிழ்நாடு மற்றும் தமிழக மக்களுக்கான உங்கள் பொதுப்பணி சிறக்க எனது நல்வாழ்த்துகள்” எனப் பதிவிட்டிருக்கிறார்.
நடிகர் மகேஷ் பாபு, “புதிய சாதனைகளைப் படைத்து, பிரமிக்கத்தக்க வெற்றியைப் பெற்றுள்ள விஜய்க்கு எனது மனமார்ந்த வாழ்த்துகள்.
இன்றைய முடிவு மக்கள் உங்கள் மீது வைத்துள்ள அபார நம்பிக்கையைப் பிரதிபலிக்கிறது. இந்த வெற்றி தமிழகத்தின் அர்த்தமுள்ள முன்னேற்றமாக மாறும் என்று நான் உறுதியாக நம்புகிறேன்” எனப் பதிவிட்டிருக்கிறார்.