டெலிகாம் நிறுவனங்களான ஏர்டெல், பி எஸ் என் எல், வோடபோன் ஐடியா, ஜியோ ஆகியவை வெவ்வேறு விலைகளில் கிடைக்கும் ப்ரீபெய்ட் ரீசார்ஜ் திட்டங்களின் பட்டியலைக் கொண்டுள்ளன. ஒவ்வொரு பயனரின் தேவைகளுக்கும் ஏற்றவாறு நிறுவனங்கள் திட்டங்களைக் கொண்டுள்ளன.
இந்த திட்டங்கள் 14 நாட்கள் முதல் 365 நாட்கள் வரை செல்லுபடியாகும். மிகக் குறைந்த விலையில் அதிக நன்மைகளை வழங்கும் திட்டத்தை நீங்கள் தேடுக்க விரும்பினால், சிறந்த திட்டங்கள் சிலவற்றை உங்களுக்காகப் பட்டியலிட்டுள்ளோம்.
ஏர்டெல், விஐ, ஜியோ, பிஎஸ்என்எல் ஆகிய நிறுவனங்கள் ரூ.100-க்கும் குறைவான டேட்டா ரீசார்ஜ் திட்டங்களைக் கொண்டுள்ளன. இந்த திட்டங்களில் 2 ஜிபி முதல் 9 ஜிபி வரை டேட்டா கிடைக்கிறது. இந்தத் திட்டங்களைப் குறித்து மேலும் விரிவாகப் பார்க்கலாம்.
பிஎஸ்என்எல் மலிவு விலை டேட்டா ரீசார்ஜ் (cheapest bsnl data plan)
தொலைத்தொடர்பு நிறுவனமான பிஎஸ்என்எல் மலிவான திட்டங்களின் நீண்ட பட்டியலைக் கொண்டுள்ளது. ரூ.13 முதல் ரூ.56 வரையிலான திட்டங்களை வழங்குகிறது. இதில் 2 ஜிபி முதல் 10 ஜிபி வரை டேட்டாவை வழங்குகிறது.
ஒரு நாள் வேலிடிட்டியுடன் மொத்தம் 2 ஜிபி டேட்டாவை 13 ரூபாய்க்கு பயனர்கள் பெற முடியும். மேலும், ரூ.48 திட்டம், 30 நாள்கள் வேலிடிட்டியுடன் வருகிறது. இதில் மொத்தம் 5 ஜிபி டேட்டா கிடைக்கும். அதுமட்டுமில்லாமல், 10 நாள்கள் செல்லுபடியாகும் ரூ.56 திட்டத்தில், மொத்தம் 10 ஜிபி 4ஜி டேட்டாவை வழங்குகிறது.
150Mbps broadband plans: 3.5TB வரை டேட்டா… OTT தளங்களின் சந்தாவும் இலவசம்!
ஏர்டெல் மலிவு விலை டேட்டா ரீசார்ஜ் (cheapest airtel 4g data plan)
பார்தி ஏர்டெல் நிறுவனம் ரூ.19 முதல் ரூ.301 வரையிலான திட்டங்களை வழங்குகிறது. ஏர்டெல் 24 மணிநேர வேலிடிட்டியுடன் ரூ.19 திட்டத்தைக் கொண்டுள்ளது . இந்த திட்டத்தில் பயனர்களுக்கு 1 ஜிபி டேட்டா கிடைக்கிறது.
ஏர்டெல் ரூ.58 டேட்டா ரீசார்ஜ் திட்டமானது மொத்தம் 3 ஜிபி டேட்டாவை வழங்குகிறது. ரூ.98 திட்டத்தில் 5 ஜிபி டேட்டாவும், ரூ.108 திட்டத்தில் 6 ஜிபி டேட்டாவும் வழங்கப்படுகிறது. உங்களின் தற்போதைய திட்டங்களுக்கு ஏற்ப இதன் வேலிடிட்டி இருக்கும். ஏர்டெல்லின் ரூ.98 திட்டத்தில் Wynk Music Premium வழங்கப்படுகிறது. ரூ.108 திட்டத்தில் Amazon Prime வீடியோவிற்கான இலவச சந்தா கிடைக்கிறது.
Airtel, Jio டெலிகாம் நிறுவனங்கள் அதிர்ச்சி – திடீர் மாற்றத்தால் மாஸ் காட்டும் BSNL!
ஜியோ மலிவு விலை டேட்டா ரீசார்ஜ் (cheapest data plan in jio)
ரிலையன்ஸ் ஜியோ ரூ.25, ரூ.61 மதிப்புள்ள இரண்டு மலிவான டேட்டா திட்டங்களைக் கொண்டுள்ளது. ரூ.25 திட்டத்தில் 2ஜிபி டேட்டாவும், ரூ.61 திட்டத்தில் 6 ஜிபி டேட்டாவும் வழங்கப்படுகிறது. உங்களின் தற்போதைய திட்ட கால அளவிற்கு இது செல்லுபடியாகும். மொத்தம் 12 ஜிபி டேட்டாவுடன் ரூ.121 திட்டத்தையும் ஜியோ கொண்டுள்ளது.
Jio ரீசார்ஜ்: அளவில்லா 3ஜிபி டேட்டா திட்டங்கள்… அள்ளித்தரும் ஜியோ!
விஐ மலிவு விலை டேட்டா ரீசார்ஜ் (vi cheapest data plan)
வோடபோன் ஐடியாவும் ரூ.100க்கு குறைவான மூன்று திட்டங்களை கொண்டுள்ளது. ரூ.19 டேட்டா திட்டத்தில் மொத்தம் 1 ஜிபி டேட்டா கிடைக்கிறது. இதற்கு ஒரு நாள் வேலிடிட்டி வழங்கப்படுகிறது. ரூ.48 திட்டத்தில் 21 நாள்களுக்கு 2 ஜிபி டேட்டாவும், ரூ.98 திட்டத்தில் 21 நாள்களுக்கு மொத்தம் 9 ஜிபி டேட்டாவும் வழங்கப்படுகிறது.
Vi Recharge: 3gb டேட்டா உடன் UnLimited திட்டங்கள்… இனி பயன்படுத்தாத டேட்டாவை சேமிக்கலாம்!