விஜய்
நடிப்பில் உருவாகியுள்ள
பீஸ்ட்
திரைப்படம் ஏப்ரல் 13 ஆம் தேதி வெளியாகவுள்ளது. சமீபத்தில் இப்படத்திலிருந்து வெளியான பாடல்கள் மற்றும் ட்ரைலர் படத்தின் மீதான எதிர்பார்ப்பை அதிகரித்துள்ளது. இந்நிலையில் தற்போது விஜய் அடுத்ததாக வம்சி படத்தில் நடிக்கவிருக்கிறார்.
தோழா படப்புகழ் வம்சி இயக்கத்தில் விஜய் தமிழ் மற்றும் தெலுங்கு என இரு மொழிகளில் நடிக்கவிருக்கிறார். இதன் மூலம் விஜய் நேரடி தெலுங்கு படத்தில் அறிமுகமாகவுள்ளார். தளபதி 66 பட அறிவிப்பு வந்து பல மாதங்கள் ஆகியும் படத்தைப்பற்றி அதன் பின் எந்த ஒரு அறிவிப்பும் இல்லாமல் இருந்தது.
இப்படி செஞ்சிட்டீங்களே தனுஷ்..கடும் கோபத்தில் அவர்கள்..!
இந்நிலையில் நேற்று இப்படத்தின் நாயகியாக
ராஷ்மிகா
நடிக்கவிருப்பதாக அதிகாரபூர்வமாக அறிவிக்கப்பட்டது. அதைத்தொடர்ந்து தற்போது தமிழ் மற்றும் தெலுங்கில் முன்னணி இசையமைப்பாளராக வலம் வரும்
தமன்
இப்படத்திற்கு இசையமைக்கவுள்ளார் என்ற அறிவிப்பும் வெளியானது.
தளபதி 66
இந்நிலையில் இன்று தளபதி 66 படத்தின் பூஜை நடைபெற்றது. படபூஜைக்கு விஜய் எப்போதும் போல சிம்பிளாக வந்திருந்தார். மேலும் விஜய்யின் தீவிர ரசிகர்களான ராஷ்மிகா மற்றும் தமன் மிகுந்த உற்சாகத்துடன் காணப்பட்டனர். ராஷ்மிகா மற்றும் இசையமைப்பாளர் தமனின் விஜய்யுடன் பணியாற்ற வேண்டும் என்ற பல நாள் ஆசை நிறைவேறியுள்ளதாக தெரிவித்தனர்.
இவர்களுடன் நடிகர் சரத்குமாரும் இப்படத்தின் பூஜையில் கலந்துகொண்டார். தளபதி 66 படத்தில் சரத்குமார் முக்கிய கதாபாத்திரத்தில் நடிப்பதாக தகவல்கள் வருகின்றன. இந்நிலையில் தளபதி 66 படத்தில் மொத்தமாக ஆறு பாடல்களுக்கு மேல் இருக்கும் என்ற தகவலும் வந்துள்ளன. தமன் இசையமைக்கும் இப்படத்தில் குறைந்தது ஆறு பாடல்கள் இருக்குமாம்.
விஜய்
சமீபகாலமாக விஜய் நடிக்கும் படங்களில் பாடல்கள் குறைவாகவே இருந்து வந்தன. விஜய் படம் என்றாலே பாடல்கள் சிறப்பாக இருக்கும் என்பது பொதுவான கருத்து. எனவே தமன் இசையமைக்கும் தளபதி 66 படத்தில் அதிக பாடல்கள் இடம்பெறவுள்ளதாக வந்த தகவல் ரசிகர்களை மகிழ்ச்சியில் ஆழ்த்தியுள்ளது குறிப்பிடத்தக்கது.
9 வருஷம் கழிச்சு டிவி நிகழ்ச்சியில் விஜய், தொகுப்பாளர் யாரு தெரியுமா?