ஒன்பிளஸ்
நிறுவனம் மலிவு விலையில் ஸ்மார்ட்போன்கள் பக்கம் கவனத்தைத் திருப்பி உள்ளது. குறிப்பாக, நிறுவனம் நடுத்தர வரம்பில் புதிய வாடிக்கையாளர்களைக் கவர பட்ஜெட் போன்களை அறிமுகப்படுத்துகிறது. இப்போது நிறுவனம் ஒரு புதிய பட்ஜெட் 5G போனை அறிமுகம் செய்துள்ளது.
OnePlus Nord N20 5G
ஸ்மார்ட்போன் வட அமெரிக்காவில் முதன்முதலாக அறிமுகம் செய்யப்பட்டுள்ளது. இது கடந்த ஆண்டு அறிமுகப்படுத்தப்பட்ட OnePlus Nord N10 5G ஸ்மார்ட்போனின் மேம்படுத்தப்பட்ட பதிப்பாகும்.
AMOLED டிஸ்ப்ளே, 5G ரெடி ஸ்னாப்டிராகன் 6 சீரிஸ் சிப்செட், 64 மெகாபிக்சல் கொண்ட டிரிபிள் ரியர் கேமரா அமைப்பு, சக்திவாய்ந்த பேட்டரி ஆகியவை இந்த போனின் முக்கிய அம்சமாகப் பார்க்கப்படுகிறது. இந்த போனின் விலை, சிறப்பம்சங்கள் குறித்து அறிந்து கொள்ளலாம்.
காத்திருந்தது போதும்… சியோமி Pad 5 விரைவில் – வெளியான தகவல்கள்!
ஒன்பிளஸ் நார்ட் என்20 5ஜி ஸ்மார்ட்போன் அம்சங்கள் (OnePlus Nord N20 5G Specifications)
OnePlus Nord N20 5G ஸ்மார்ட்போன் 6.43″ இன்ச் AMOLED, பஞ்ச் ஹோல் டிஸ்ப்ளே உடன் வருகிறது. பஞ்ச் ஹோல் கட்அவுட் மேல் இடது மூலையில் கொடுக்கப்பட்டுள்ளது. இந்த ஸ்மார்ட்போன் பாக்ஸி டைப் வடிவமைப்பைப் பெற்றுள்ளது.
புதிய நார்ட் என்20 5ஜி போனானது, இன்-டிஸ்ப்ளே கைரேகை சென்சாருடன் வருகிறது. Qualcomm Snapdragon 695 5ஜி புராசஸர் இதில் நிறுவப்பட்டுள்ளது. இதில் 6ஜிபி ரேம், 128ஜிபி ஸ்டோரேஜ் மெமரி கொடுக்கப்பட்டுள்ளது. மைக்ரோ எஸ்டி கார்டு மூலம் ஸ்டோரேஜை 1TB வரை நம்மால் நீட்டிக்க முடியும்.
ஒன்பிளஸ் நார்ட் என்20 5ஜி கேமரா (OnePlus Nord N20 5G camera)
ஒன்பிளஸ் நார்ட் என்20 5ஜி போன், 16MP மெகாபிக்சல் செல்பி கேமராவுடன் வருகிறது. வீடியோ அழைப்புகளுக்கும் இந்த கேமரா ஆதரவு தருகிறது. பின்பக்கத்தில் மூன்று கேமரா கொண்ட அமைப்பு நிறுவப்பட்டுள்ளது. அதில், 64MP மெகாபிக்சல் பிரதான கேமரா, 2MP மெகாபிக்சல் மோனோகுரோம் சென்சார், 2MP மெகாபிக்சல் மேக்ரோ சென்சார் ஆகியவை அடங்கும்.
ஸ்மார்ட்போனை சக்தியூட்ட 4500mAh சக்திவாய்ந்த பேட்டரி பயன்படுத்தப்பட்டுள்ளது. இதனை ஊக்குவிக்க 33W வாட் வேகமான சார்ஜிங் ஆதரவு உள்ளது. புதிய ஒன்பிளஸ் நார்ட் போன், ஆண்ட்ராய்டு 11 அடிப்படையாகக் கொண்ட ஆக்ஸிஜன் OS 11 இயங்குதளம் கொண்டு இயக்கப்படுகிறது.
சிம் கார்டு தேவையில்லை – அவசர காலத்தில் உதவ வரும் ஐபோன் 14!
ஒன்பிளஸ் நார்ட் என்20 5ஜி விலை (OnePlus Nord N20 5G Price in India)
இந்த ஸ்மார்ட்போனில் 5G, Wi-Fi, ப்ளூடூத் 5.1, USB Type-C போன்ற இணைப்பு ஆதரவுகளும் கொடுக்கப்பட்டுள்ளது. அமெரிக்காவில், இந்த போனின் விற்பனை ஏப்ரல் 28 ஆம் தேதி முதல் தொடங்குகிறது. இந்திய மதிப்பில் ஸ்மார்ட்போனின் விலை ரூ.21,500 ஆக உள்ளது. இந்த விலையில் 6ஜிபி ரேம் மற்றும் 128ஜிபி ஸ்டோரேஜ் கொண்ட வேரியன்டை வாங்க முடியும்.