ஜி.வி.பிரகாஷின் 'ஐங்கரன்' வெளியீடு மீண்டும் ஒத்திவைப்பு
பிரபல இசையமைப்பாளர் ஜி.வி.பிரகாஷ் தற்போது பல படங்களில் நடித்து வருகிறார் . 2018ம் ஆண்டு ஜி.வி.பிரகாஷ் நடித்து முடித்த திரைப்படம் 'ஐங்கரன்'. இந்த படத்தை 'ஈட்டி' படத்தை இயக்கிய ரவி அரசு இயக்கியுள்ளார். இப்படத்திற்கு ஜி.வி.பிரகாஷ் குமரே இசையமைத்துள்ளார் .
ஜி.வி.பிரகாஷ் குமாருக்கு ஜோடியாக மகிமா நம்பியார் நடித்துள்ளார். இந்த படத்தின் டீசர் 2019 ஆம் ஆண்டு வெளியாகி நல்ல வரவேற்பை பெற்றது. கொரோனா ஊடரங்கு காரணமாக வெளியாகாமல் இருந்த இப்படம் வருகின்ற ஏப்ரல் 28ம் தேதி திரையரங்குகளில் வெளியாக இருப்பதாக அறிவிக்கப்பட்டது.
இந்நிலையில் இப்படம் சொன்ன தேதியில் வெளியாகாது என்றும், அதற்கு பதிலாக மே 5-ஆம் தேதி வெளியிட திட்டமிட்டுள்ளதாக தகவல் வெளியாகியுள்ளது.