தமிழ் சினிமாவில் முன்னணி நடிகையாகவும், பிரபலமான பாடகியாகவும் வலம் வருபவர்
ஆண்ட்ரியா
. ஆயிரத்தில் ஒருவன், தரமணி, வடசென்னை போன்ற தரமான கதைகளை தேர்வு செய்து அழுத்தமான கதாபாத்திரங்களில் நடித்து வருகிறார். இந்நிலையில் மிஷ்கின்இயக்கத்தில் இவர் நடிப்பில் உருவாகியுள்ள ‘
பிசாசு 2
‘ படத்திற்காக ஆர்வமுடன் காத்திருக்கின்றனர் ரசிகர்கள்.
மிஷ்கின்
இயக்கத்தில் வெளியான பிசாசு படம் ரசிகர்களிடம் நல்ல வரவேற்பை பெற்றது. இதனை தொடர்ந்து தற்போது பிசாசு 2 படத்தை இயக்கும் வேளைகளில் இறங்கினார் மிஷ்கின். ஆண்ட்ரியாவை பிரதானமாக கொண்டு இந்த படத்தின் திரைக்கதை அமைக்கப்பட்டுள்ளது. பூர்ணா, ராஜ்குமார் பிச்சுமணி உள்ளிட்டோரும் இந்த படத்தில் நடிக்கின்றனர். ராக்போர்ட் எண்டர்டையின்மெண்ட் நிறுவனம் தயாரிக்கும் இந்தப்படத்திற்கு கார்த்திக் ராஜா இசையமைக்கிறார்.
இந்நிலையில் பிசாசு 2 படத்தில் ஆண்ட்ரியா ஆடையில்லாமல் சில காட்சிகளில் நடித்துள்ளதாக சமூக வலைத்தளங்களில் செய்திகள் வெளியானது. படத்தின் பர்ஸ்ட் லுக் போஸ்டரிலும் குளியல் தொட்டியில் ரத்தம் படிந்த கால்களோடு ஆண்ட்ரியா முகம் தெரியாமல் தலைகீழாக கவிழ்ந்து படுத்து கொண்டு கையில் சிகரெட்டை பிடித்திருப்பதை போன்ற புகைப்படம் இடம்பெற்றிருந்தது.
விக்னேஷ் சிவனை நேரில் அழைத்து பாராட்டிய உதயண்ணா: காரணம் இதுதான்..!
இந்நிலையில் சமீபத்திய பேட்டி ஒன்றில் இந்தப்படம் குறித்து பேசிய ஆண்ட்ரியா, “பிசாசு 2 படத்தில் பேயாக நடித்து முடித்துள்ளேன். விரைவில் படம் ரிலீஸாக இருக்கிறது. படத்தின் கதையைக் கேட்டபோது 15 நிமிடங்கள் நிர்வாணமாக நடிக்க வேண்டும் என இயக்குநர் கூறினார். அதில் எனக்கு அப்போது உடன்பாடில்லை. இயக்குநர் கட்டாயப்படுத்தினார். கதை தரமானதாக இருந்ததால் பின்னர் ஒப்புக் கொண்டேன்” எனத் தெரிவித்துள்ளார்.
ஏற்கனவே ஆண்ட்ரியா நிர்வாணமாக நடித்துள்ள காட்சியை, படம் பார்த்தால் ஆடியன்ஸ் முகம் சுளிக்கிற மாதிரி எல்லாம் காட்சிகள் இல்லாமல், காம எண்ணம் தோன்றாத மாதிரிதான் கையாண்டுள்ளேன் என தெரிவித்திருந்தார் மிஷ்கின். ‘பிசாசு 2’ படத்தின் டீசர் வரும் ஏப்ரல் 29 ஆம் நாள் மாலை 5 மணிக்கு தெலுங்கு, தமிழ், கன்னடம், மலையாளம் உள்ளிட்ட 4 மொழிகளில் வெளியாகவுள்ளது குறிப்பிடத்தக்கது.
தமிழ் படங்கள விட நல்ல படங்கள் ஓடுது Beast -ஐ கலாய்தாரா உதயநிதி?