மீண்டும் களத்தில் குதிக்கும் ஜெட் ஏர்வேஸ்.. 3 ஆண்டுகளுக்கு பிறகு விடிவு காலம் வந்தாச்சு !

அனுமதி சான்றிதழ்

இந்த நிலையில் ஜெட் ஏர்வேஸ் விமானத்தினை இயக்குவதற்கான அனுமதி சான்றிதழை இந்திய விமான போக்குவரத்து ஆணையரகத்திடம் கடந்த மே மாதம் பெற்றனர். இதற்கிடையில் விமானத்தினை இயக்க பைலட்களை இயக்க நிறுவனம் பணியமர்த்தலிலும் இறங்கியுள்ளது. இதில் ஏர்பஸ் ஏ320, போயிங் 737NG, 737 மேக்ஸ் விமானங்களை இயக்கும் விமானிகளை பணியமர்த்தல் செயல்பாடுகள் நடந்து வருவதாகவும் தெரிகிறது.

விமானிகளுக்கு அழைப்பு

இது குறித்து ஜெட் ஏர்வேஸ் நிறுவனம் தனது ட்விட்டர் பக்கத்தில், ஜெட் ஏர்வேஸ் விரைவில் பறக்க தயாராக உள்ளது. ஏர்பஸ் ஏ320 அல்லது போயிங் 737 என் ஜி அல்லது மேக்ஸ் விமானங்களை இயக்கும் விமானிகளை எங்களுடன் சேர்க்க அழைக்கிறோம் என அறிவித்துள்ளது. இதற்காக [email protected] என்ற ஐடியினை அணுகலாம் என்றும் அறிவித்துள்ளது.

 

பெரும் கடன் பிரச்சனை

பெருத்த கடன் பிரச்சனையில் தத்தளித்து வந்த ஜெட் ஏர்வேஸ் நிறுவனம், போதிய நிதி திரட்ட முடியாத காரணத்தினால் தனது சேவையினை தொடர முடியாமல் தவித்தது. இதற்கிடையில் தனது விமான சேவைக்கு பெரும் முற்றுப்புள்ளி வைத்தது. அதன் பிறகு கடன் வழங்கியோர் நிறுவனத்தினை ஏலத்தில் விட எஸ்பிஐ தலைமையிலாக குழு நடவடிக்கையில் இறங்கியது.

ஜலான் கல்ராக் கூட்டமைப்பு

இதற்கிடையில் தான் கடந்த ஆண்டு ஜலான் கல்ராக் கூட்டமைப்பானது ஜெட் ஏர்வேஸினை ஏலத்தில் எடுத்தது. இதன் பிறகு தான் தேசிய நிறுவன தீர்ப்பாயத்திடம் ஒப்புதல் கோரி விண்ணப்பித்தது. ஜெட் ஏர்வேஸ் நிறுவனம் இயக்கி வந்த உள்நாட்டு சேவை மற்றும் வெளிநாட்டு சேவைகளையும் மீண்டும் தொடரவும் முயற்சிகள் நடைபெற்று வந்தது.