அடுத்த மாதம் ஆப்பிள் நிறுவனம் வெளியிட போகும் ஐபோன் 14க்கு சந்தையில் எதிர்பார்ப்புகள் அதிகமாக உள்ளன. அனால் வழக்கம் போல ப்ரொடக்ட் வெளியீட்டு தேதி வரை ஆப்பிள் நிறுவனம் எந்த விதமான மாடல் குறித்த தகவலையும் வெளியிடாது.
ஆனால் நமது திறமையான டெக் நிபுணர்கள் எந்த விதமான புது சிறப்பம்சங்கள் இடம்பெறலாம் என்று யூகித்து இணையத்தில் வைரல் ஆகி கொண்டிருக்கின்றனர். அதில் ஒரு சில நம்பிக்கையான மற்றும் சிறந்த அப்டேட் சார்ந்த விஷயங்களை நாங்கள் உங்களோடு பகிர்ந்து கொள்கிறோம்.
ஆப்பிள் 14 சீரிஸில் ஆப்பிள் ஐபோன் 14, ஆப்பிள் ஐபோன் Pro , ஆப்பிள் ஐபோன் Max , ஆப்பிள் ஐபோன் Pro Max ஆகியவை மற்றும் அதோடு சேர்த்து ஆப்பிள் ஐவாட்ச் , ஐபாட் உட்பட செப்டம்பர் 7 வெளியாக உள்ளன.
இதில் ஆப்பிள் ஐபோன் 14, ஆப்பிள் ஐபோன் Max ஆகியவை முந்தைய மாடலில் இருந்து சிறு மாற்றங்களோடுதான் வெளியிட படுகின்றன எனவும், மற்ற இரண்டு மாடல்களிலும் குறிப்பிட தகுந்த மாற்றங்கள் வரலாம் என்றும் நிபுணர்கள் கணித்துள்ளனர்.
ஏற்கனவே நாம் வெளியிட்டிருந்த கட்டுரையில் ஆப்பிள் இந்த முறை அதன் கேமரா மற்றும் டிஸ்பிளே ஆகியவற்றில் முந்தைய மாடல்களை போல் அல்லாமல் மாற்றங்களை கொண்டு வரலாம் என்று கூறியிருந்தோம். அதே போல் ஒரு சில முக்கியமான மற்றும் சந்தையில் ஐபோன்களை தனித்து காட்ட கூடிய சிறப்பம்சங்களை ஆப்பிள் அறிமுக படுத்த வாய்ப்புள்ளதாக நிபுணர்கள் கூறுகின்றனர்.
குறிப்பாக ஸ்டோரேஜ் வசதி, ஹீட் மேனேஜ்மென்ட் , செயற்கைகோள் தொடர்பு, wifi உட்பட பல புது அம்சங்களை ஆப்பிள் ஐபோன் Pro , ஆப்பிள் ஐபோன் Pro Max ஆகிய மாடல்களில் அறிமுகப்படுத்தலாம் என்று கூறப்படுகிறது. காரணம் இந்த இரண்டு மாடல்கள் மட்டுமே புதிய A16 பயோனிக் சிப்பை பெறுகின்றன.
ஹீட் மேனேஜ்மென்ட்.
தற்போது பெரும்பாலும் பலர் போன் மூலமாகவே தங்களது வேலைகள் பலவற்றை முடித்து விடுவதால் ஒரு மல்டி டாஸ்கிங் டிவைசாக மொபைல்போன்கள் பயன்படுகின்றன. மேலும் ஆன்லைன் விளையாட்டு என்பது ஸ்மார்ட்போன்களில் இன்றியமையாத ஒன்றாக மாறிவிட்டது.
ஆனால் இந்த மல்டி டாஸ்கிங் வேலைகளால் முதலில் பாதிக்க படுவது CPU மற்றும் GPU ஆகியவையே ஆகும். எனவே அவற்றை சூடாகாமல் இயல்பு நிலையில் வைக்க சிறந்த New Vapor Chamber Thermal System இந்த டிவைசைகளில் இடம் பெறலாம் என கூறப்படுகிறது.
செயற்கைகோள் தொடர்பு
வரப்போகும் புதிய ஆப்பிள் ஐபோன் மாடல் மொபைல்களை செயற்கைகோளோடு கனெக்ட் செய்யப்போவதாக தகவல் வெளியாகி வருகிறது. அப்படி செய்தால் ஐபோன் பயன்பாட்டாளர்கள் போனில் நெட்வொர்க் இல்லாத இடங்களில் கூட அவசர மெசேஜ் அனுப்ப இது உதவும்.
ஆனால் இதற்கு முன்பு வெளியான மாடல்களிலேயே இதை கொண்டு வர போகிறேன் என்று சொன்ன ஆப்பிள் நிறுவனம் ஏமாற்றி விட்டது. இந்நிலையில் இந்த முறை இந்த அம்சத்தை இணைப்பதற்காக GLOBALSTAR என்ற நிறுவனத்தோடு இணைந்து ஆப்பிள் பணியாற்றி வருவதாக தெரிகிறது.
ஸ்டோரேஜ் வசதி
கடந்த முறை ஐபோன் 13 மாடலில் 1TB வரை சேமிப்பு வசதியை வழங்கியிருந்தது ஆப்பிள் நிறுவனம். தற்போது 2TB வரை சேமிப்பு வசதியை அதிகரிக்க போவதாக தகவல்கள் வெளியாகியுள்ளன. எனவே அடிப்படை சேமிப்பு வசதி 128GB யில் துவங்கி 2TB வரை வழங்க வாய்ப்புள்ளதா தெரிகிறது.
இது வரை எந்த நிறுவனமும் 2TB ஸ்டோரேஜ் வசதியெல்லாம் கொடுத்ததில்லை எனபதால் இந்த வசதி அறிமுகப்படுத்தப்பட்டால் அது ஐபோன்14ஐ தனித்து காட்டும்.
WI-FI 6E
சமீபத்தில் வெளியான ஐபாட்,ஐ மேக் , மற்றும் ஐபோன்கள் wifi 6 பயன்படுத்த கூடிய வசதி கொண்டவை. தற்போது வெளியாக போகும் புதிய ஐபோன் 14 சீரிஸ் மாடல்களில் WI-FI 6E பயன்படுத்த கூடிய வசதி உள்ள மொபைல்களாக கொண்டு வர போவதாகவும் தகவல்கள் வெளியாகியுள்ளன.
இதன் மூலம் அறிமுகப்படுத்தப்படாத 6GHz சேவையை இந்த டிவைஸ்கள் பெற முடியும். இதுவும் மற்ற ஸ்மார்ட் போன்களில் இருந்து இந்த மொபைலை தனித்து காட்டும்.
இதே போல் பல்வேறு புதிய அம்சங்களோடு ஐபோன் 14 வெளியாகி நம்மை மகிழ்விக்கலாம். ஏமாற்றவும் செய்யலாம். காத்திருப்போம்.
– சுபாஷ் சந்திரபோஸ்
Apple-iPhone-14-Pro-Max விவரங்கள்முழு அம்சங்கள்ஃபெர்பார்மன்ஸ்Apple A15 Bionic (5nm)டிஸ்பிளே6.7 inches (17.01 cm)சேமிப்பகம்128 GBகேமரா12 MP + 12 MP + 12 MP + TOFபேட்டரி3687 mAhஇந்திய விலை84900ரேம்6 GB, 6 GBமுழு அம்சங்கள்
Apple-iPhone-14-Pro-MaxApple iPhone 14 Pro Max 256 GB 6 GBApple iPhone 14 Pro Max 512 GB 6 GB